Flash News

Përplasen dy makina në aksin e vjetër Fier–Vlorë, një i plagosur

Digjet një banesë në qendër të Durrësit, ndërhyjnë zjarrfikësit

Moti ekstrem kërcënon çerekfinalen, FIFA mund të ndryshojë orarin e Angli–Norvegji

Alarm në Serbi, 11 mijë derra drejt asgjësimit pas shpërthimit të ethes afrikane

Zjarri del jashtë kontrollit në Lushnjë, një i plagosur dhe një i arrestuar

Bota

Vritet ish-ministrja britanike, u gjet e pajetë në banesë

Politiko 10 July 2026, 20:16

Policia britanike ka nisur një hetim për vrasje pas vdekjes së ish-deputetes konservatore dhe ish-ministres së burgjeve, Ann Widdecombe, e cila u gjet e pajetë në banesën e saj në jugperëndim të Anglisë.

Widdecombe, 78 vjeçe, u gjet të enjten në zonën e Haytor, pranë Parkut Kombëtar Dartmoor. Sipas policisë së Devonit dhe Cornwallit, ajo kishte pësuar dëmtime të rënda para se të gjendej e vdekur.

Autoritetet kanë bërë të ditur se janë vënë në kërkim të një të dyshuari, i përshkruar si një mashkull i bardhë. Hetimet vijojnë për të zbardhur rrethanat e ngjarjes.

Lajmi ka shkaktuar reagime në skenën politike britanike. Sekretarja e Brendshme, Shabana Mahmood, e cilësoi situatën si “jashtëzakonisht shqetësuese”, ndërsa autoritetet kanë kërkuar nga publiku çdo informacion që mund të ndihmojë hetimin.

Ann Widdecombe ishte deputete në Dhomën e Komunave nga viti 1987 deri në vitin 2010 dhe mbajti poste ministrore në qeveritë konservatore. Ajo ishte një figurë e njohur për qëndrimet e saj konservatore në çështje sociale, përfshirë kundërshtimin ndaj abortit dhe zgjerimit të disa të drejtave për komunitetin LGBTQ+.

Pas largimit nga Parlamenti, Widdecombe vijoi angazhimin publik përmes komenteve politike dhe pjesëmarrjeve mediatike.

Të fundit