Flash News

Ndërron jetë senatori amerikan Lindsey Graham, një nga aleatët më të afërt të Trump

Dyshohet se ra në një gropë thithëse, humb jetën 33-vjeçari në lumin Mat

Dua Lipa kritikon qeverinë Rama: Shqetësuese ndryshimi i ligjeve pa konsultim publik

Argjentina thyen rezistencën e Zvicrës në kohën shtesë, në gjysmëfinale e pret Anglia

Këmbimi valutor, me sa blihen e shiten sot monedhat e huaja

SPORT

Xhaka pas humbjes ndaj Argjentinës: Meritonim më shumë, arbitri ndryshoi gjithçka

Politiko 12 July 2026, 12:07

Screenshot-2026-07-12-084718.png

Kapiteni i Zvicrës, Granit Xhaka, nuk e fshehu zhgënjimin pas eliminimit nga Argjentina në çerekfinalen e Kupës së Botës 2026. Mesfushori shqiptar vlerësoi paraqitjen e skuadrës së tij, por theksoi se kartoni i kuq i Breel Embolos ndryshoi rrjedhën e ndeshjes dhe i mohoi Zvicrës mundësinë për të shkruar historine.

Xhaka u shpreh se Zvicra kishte kontrollin e lojës dhe besonte se mund ta fitonte përballjen, derisa arbitri ndëshkoi Embolon me kartonin e dytë të verdhë për simulim.

"Është shumë e vështirë të gjesh fjalët e duhura. Ishim shumë mirë në lojë dhe kisha ndjesinë se mund të bënim edhe më shumë. Por ai ishte një vendim shumë i madh që e ndryshoi plotësisht ndeshjen. Për mendimin tim, arbitri e vrau ndeshjen", deklaroi Xhaka.

Kapiteni zviceran tregoi se pas ndeshjes kishte biseduar edhe me Embolon, i cili ishte thellësisht i tronditur nga përjashtimi.

"Ai kishte lot në sy dhe as vetë nuk e kuptonte pse u përjashtua. Është një lojtar shumë i rëndësishëm për ne, si në fushë ashtu edhe jashtë saj", tha Xhaka.

Duke folur për atmosferën në dhomat e zhveshjes, mesfushori shqiptar zbuloi se mbizotëronte heshtja dhe zhgënjimi, një tregues, sipas tij, i mentalitetit fitues të kësaj skuadre.

"Nuk ishte thjesht një ndeshje e barabartë. Pas golit të tyre nga goditja e këndit, në fushë u pa vetëm Zvicra. Në pjesën e dytë krijuam, sulmuam dhe barazuam. Ndiheshim se ndeshja ishte në kontrollin tonë", u shpreh ai.

Megjithatë, Xhaka u shpreh krenar për paraqitjen e ekipit dhe theksoi se Zvicra tregoi karakter të madh përballë kampionëve në fuqi të botës.

"Duhet të jemi krenarë për atë që treguam. Edhe nëse jo të gjithë e pranojnë, ne luajtëm futboll të shkëlqyer dhe treguam një mentalitet të jashtëzakonshëm", përfundoi kapiteni i Zvicrës.

Të fundit