Flash News

Anglia do të përballet me Argjentinën pas eleminimit të Zvicrës

Ndërron jetë senatori amerikan Lindsey Graham, një nga aleatët më të afërt të Trump

Dyshohet se ra në një gropë thithëse, humb jetën 33-vjeçari në lumin Mat

Dua Lipa kritikon qeverinë Rama: Shqetësuese ndryshimi i ligjeve pa konsultim publik

Argjentina thyen rezistencën e Zvicrës në kohën shtesë, në gjysmëfinale e pret Anglia

SPORT

Haaland i revoltuar pas eliminimit nga Anglia: Vendimet e vogla na dënuan në Botëror

Politiko 12 July 2026, 13:10

Screenshot 2026-07-12 125521.png

Erling Haaland nuk e ka fshehur zhgënjimin pas eliminimit dramatik të Norvegjisë nga Kupa e Botës 2026. Kombëtarja nordike u mposht 2-1 nga Anglia pas kohës shtesë në çerekfinale, në një ndeshje ku sulmuesi i Manchester City-t beson se disa vendime të gjyqtarit ndikuan në rezultatin përfundimtar.

“Është shumë e vështirë ta përshkruaj atë që ndiej tani. Mendoj se meritonim më shumë”, deklaroi Haaland pas sfidës.

Megjithatë, pavarësisht eliminimit, 25-vjeçari vlerësoi paraqitjen e skuadrës së tij dhe faktin që Norvegjia arriti të përballej si e barabartë me një prej favoriteve të turneut.

“Në të njëjtën kohë, ishim vetëm një hap larg eliminimit të Anglisë. Ka një ndjenjë boshllëku, por jemi krenarë që luajtëm një çerekfinale kundër tyre dhe i dhamë një betejë të fortë. Emocionet janë të përziera”, tha kapiteni norvegjez.

Haaland u ndal veçanërisht te episodet e diskutueshme të ndeshjes, duke pretenduar se vendimet e gjyqtarit ndikuan në momentet vendimtare.

“Janë pikërisht këto situata të vogla që vendosin fatin e ndeshjeve në një Kupë Bote. Kundër Brazilit arritëm t’i kthenim në favorin tonë, por sot, në të gjitha rastet 50-50, vendimet shkuan kundër nesh. Kur përballesh me një skuadër si Anglia, kjo e bën gjithçka më të vështirë”, u shpreh ai.

Një nga momentet më të debatuara ishte goli i anuluar i Torbjorn Heggem në pjesën e dytë, kur rezultati ishte 1-1. Pas ndërhyrjes së VAR-it, arbitri francez Clement Turpin vendosi të anulonte golin për një faull të Haaland ndaj Elliot Anderson gjatë goditjes nga këndi.

“Ne luajtëm sipas planit tonë. Martin kontrolloi ritmin e lojës dhe arritëm t’i impononim kundërshtarit mënyrën tonë të lojës. Shënuam një gol, por u anulua sepse u konsiderua se unë e shtyva kundërshtarin. Sinqerisht, në këto situata mua më shtyjnë pothuajse gjithmonë. Është zhgënjyese”, tha sulmuesi.

Pavarësisht humbjes, Haaland beson se ky Botëror ka ndryshuar perceptimin për Norvegjinë në arenën ndërkombëtare.

“Është e vështirë ta përpunoj gjithçka tani, por mendoj se ky turne e ka ndryshuar Norvegjinë. Jam krenar për ekipin dhe shpresoj që edhe norvegjezët të jenë krenarë për ne. Ajo që kemi arritur është një sukses i madh”, deklaroi ai.

Të fundit