Flash News

Dyshohet se ra në një gropë thithëse, humb jetën 33-vjeçari në lumin Mat

Dua Lipa kritikon qeverinë Rama: Shqetësuese ndryshimi i ligjeve pa konsultim publik

Argjentina thyen rezistencën e Zvicrës në kohën shtesë, në gjysmëfinale e pret Anglia

Këmbimi valutor, me sa blihen e shiten sot monedhat e huaja

Temperaturat shkojnë deri në 38 gradë, si parashikohet moti sot

E-TJERA

Atentati në Shkodër/ 25 plumba drejt Aleksandër Koçekut, hetimet fokusohen te hakmarrja

Politiko 12 July 2026, 10:34

Pamje nga vendi i ngjarjes

Hetimet për ekzekutimin e Aleksandër Koçekut në aksin Kir–Prekal të Shkodrës janë përqendruar te pista e gjakmarrjes dhe konflikteve të vjetra mes familjeve. Në vendin e atentatit, grupi hetimor ka sekuestruar 25 gëzhoja automatiku, të gjitha të qitura nga e njëjta armë.

Ka qenë një kalimtar i rastësishëm ai që ka konstatuar automjetin me viktimën brenda dhe ka njoftuar menjëherë policinë. Nga veprimet e para hetimore rezulton se autori ose autorët i kishin zënë pritë 40-vjeçarit dhe e ekzekutuan me breshëri automatiku, pa i lënë mundësi reagimi.

Aleksandër Koçeku lëvizte me kujdes për shkak të konflikteve të mëparshme dhe punonte në një furrë buke. Hetuesit po analizojnë pamjet e kamerave të sigurisë përgjatë itinerarit që ai përshkoi, megjithëse zona ku ndodhi atentati nuk monitorohet me kamera, duke e bërë më të vështirë identifikimin e autorëve.

Burime pranë grupit hetimor bëjnë me dije se një nga pistat kryesore lidhet me vrasjen e Angjelin Shkambit në dhjetor të vitit 2017. Për atë krim u dënua Artan Koçeku, vëllai i viktimës së sotme, i cili sipas dosjes hetimore e kishte qëlluar Shkambin pas një konflikti që lidhej me një borxh prej 40 mijë eurosh dhe një çështje nderi.

Familjarët e Aleksandër Koçekut dyshojnë se atentati është akt hakmarrjeje dhe e lidhin drejtpërdrejt me konfliktin e hapur që prej vitit 2017.  

Të fundit