Flash News

Vrasja në Shkodër, viktima vëllai i të arrestuarit për ekzekutimin e Pavlin Prekës

Përplasen 2 automjeti në aksin Peqin-Elbasan, 5 të plagosur

Çmimet e shportës nën monitorim, Autoriteti i Konkurrencës nis monitorimin e supermarketeve

Zeroja me xhufkë shkruan “Rilindja 2.0” 

Berisha: PD do dorëzojë së shpejti padi për Librin e Kuq të Edi Ramës

E-TJERA

Vrasja në Shkodër, viktima vëllai i të arrestuarit për ekzekutimin e Pavlin Prekës

Politiko 11 July 2026, 21:37

-900-0-1740742154xa5381d84-29af-4c26-a8ca-adda1da357d5-128.jpeg

Detaje të reja kanë dalë në dritë lidhur me vrasjen e ndodhur këtë të shtunë në aksin rrugor Prekal–Kir, në Shkodër, ku një person u gjet i pajetë brenda automjetit të tij, i qëlluar me armë zjarri.

Policia identifikoi viktimën si Aleksandër Koçeku, ndërsa burime hetimore bëjnë me dije se një nga pistat kryesore që po verifikohet është ajo e hakmarrjes, për shkak të lidhjeve familjare të viktimës.

Sipas të dhënave paraprake, Aleksandër Koçeku është vëllai i Vasel Koçekut, i arrestuar si i dyshuar për vrasjen e 20-vjeçarit Pavlin Preka, një ngjarje e ndodhur në shkurt të vitit 2025 që tronditi opinionin publik në Shkodër.

Sipas hetimeve për atë ngjarje, konflikti kishte lindur pas refuzimit të familjes Koçeku për një kërkesë fejese që viktima Pavlin Preka kishte bërë për vajzën e mitur të familjes. Prokuroria dyshon se më 20 shkurt 2025, Preka u nxor nga banesa me anë të një personi të njohur dhe më pas u qëllua për vdekje me armë zjarri. Për këtë krim u arrestua Vasel Koçeku, ndërsa hetimet vijojnë ende.

Pas ekzekutimit të Aleksandër Koçekut, grupi hetimor po verifikon nëse dy ngjarjet mund të kenë lidhje mes tyre, pa përjashtuar edhe pista të tjera. Deri më tani, autori ose autorët e vrasjes nuk janë identifikuar.

Policia dhe Prokuroria vijojnë hetimet për zbardhjen e plotë të rrethanave të krimit dhe dokumentimin e motivit të ngjarjes.

Të fundit