Flash News

Ekzekutimi i Edmond Sulës në Vorë, pista kryesore e hetimit

Pranoi se i dha telefonin Veliajt, ish-polici i Burgjeve: U ndikova nga pushteti i kryebashkiakut

Ndahet nga jeta në moshën 78-vjeçare aktori legjendar Sam Neill

Publikohet fotoja e Edmond Sulës, 50-vjeçarit të ekzekutuar në Vorë

Bllokohet me barriera metalike hyrja kryesore e Kuvendit

E-TJERA

Vrau gruan për xhelozi me armë gjahu në Shkodër, Gjykata lë në burg 64-vjeçarin

Politiko 13 July 2026, 10:50

1783932133_shkodradysh.jpg

Gjykata e Shkodrës ka vendosur masën e sigurisë "arrest me burg" për 64-vjeçarin Shtjefën Ziçi, i akuzuar për vrasjen e bashkëshortes së tij, 55-vjeçares Bardhe Ziçi, me armë gjahu.

Gjatë seancës gjyqësore, i dyshuari nuk ka dhënë asnjë deklaratë para trupit gjykues. Nga ana tjetër, avokati mbrojtës, Agim Martini, ka kërkuar që klienti i tij t'i nënshtrohet një ekspertimi psikiatrik për të vlerësuar gjendjen e tij mendore.

Krimi i rëndë ndodhi mesditën e 9 korrikut në zonën e unazës lindore të Shkodrës. Sipas hetimeve paraprake, gjithçka nisi pas një debati mes bashkëshortëve në dyqanin ushqimor që administronin pranë banesës.

Prokuroria dyshon se konflikti u shkaktua për motive xhelozie, pasi 64-vjeçari i kishte kërkuar bashkëshortes telefonin celular. Pas përplasjes verbale, ai dyshohet se hyri në banesë, mori armën e gjahut, të cilën e posedonte me leje, dhe qëlloi dy herë në drejtim të gruas.

Sipas hetimeve, 55-vjeçarja u përpoq të largohej për t'i shpëtuar sulmit, por nuk mundi t'u mbijetonte plagëve dhe ndërroi jetë në vend.

Çifti ishte prind i dy fëmijëve. Djali jeton në Kanada, ndërsa vajza është oficere në repartin ushtarak të Vau Dejës.

Hetimet për zbardhjen e plotë të rrethanave të ngjarjes vijojnë, ndërsa motivi kryesor që po verifikohet nga organet hetimore mbetet ai i xhelozisë.

Të fundit