Flash News

Këmbimi valutor, me sa shiten e blihen monedhat e huaja

Kthjellime në të gjithë Shqipërinë, ja si pritet të jetë moti sot

Konflikt mes të rinjve në Fushë-Krujë, 22-vjeçari plagoset me thikë

Koncerti i Kanye West me fondet e shtetit, OCCRP: Qeveria e përdori për të sfumuar protestat

Defekt në tragetin e linjës Durrës-Bari, bllokohen rreth 100 pasagjerë

E-TJERA

"E shtyva nga ballkoni", adoleshenti pranon vrasjen e 13-vjeçares shqiptare në Itali

Politiko 14 July 2026, 09:45

1784011518_auroratila.jpg

Një kthesë e rëndësishme ka ndodhur në procesin gjyqësor për vrasjen e 13-vjeçares shqiptare Aurora Tila në Itali.

Ish-i dashuri i saj, tashmë 17 vjeç, ka pranuar për herë të parë se ishte ai që e shtyu nga ballkoni i një ndërtese në Piacenza, më 25 tetor 2024, duke i shkaktuar vdekjen.

Sipas mediave italiane, adoleshenti, i cili ishte vetëm 15 vjeç në kohën e ngjarjes, e bëri rrëfimin gjatë seancës në Gjykatën e Apelit, duke hequr dorë nga pretendimet e mëparshme për pafajësi.

Ai u paraqit përmes një lidhjeje me video nga institucioni i të miturve në Catanzaro, ku po vuan dënimin prej 17 vitesh burg, të dhënë nga gjykata e shkallës së parë.

Përveç pranimit të autorësisë, i riu kërkoi falje për krimin dhe për faktin se kishte pritur kaq gjatë për ta pranuar atë.

Ndërkohë, Gjykata e Apelit ka kërkuar një raport mbi sjelljen e tij gjatë qëndrimit në burg, pasi ndaj tij, sipas raportimeve, janë depozituar edhe denoncime të tjera për vepra penale.

Avokati Emilio Malaspina, që përfaqëson nënën e Aurora Tilës, e cilësoi rrëfimin si mbyllje të një kapitulli të dhimbshëm, por kërkoi që të mbetet në fuqi vendimi i shkallës së parë.

"Me këtë rrëfim mbyllet një rreth. Shpresojmë që Gjykata të konfirmojë dënimin e dhënë në shkallën e parë, i cili është i drejtë dhe proporcional me krimin", deklaroi ai.
Seanca e radhës në procesin gjyqësor është caktuar të mbahet më 10 shtator.

Të fundit