Flash News

Konflikt mes të rinjve në Fushë-Krujë, 22-vjeçari plagoset me thikë

Koncerti i Kanye West me fondet e shtetit, OCCRP: Qeveria e përdori për të sfumuar protestat

Defekt në tragetin e linjës Durrës-Bari, bllokohen rreth 100 pasagjerë

Ja sa vite burgim u kërkuan për nënën e Monikës

“Sy të nxirë e flokë të shkulur”/ Babai i 17-vjeçares së dhunuar: Policia nuk mori masa

E-TJERA

Qytetarët zbresin sërish në shesh, protesta hyn në ditën e 44

Politiko 13 July 2026, 20:01

Protestat kundër qeverisë së kryeministrit Edi Rama vijojnë edhe këtë të hënë, ndërsa qytetarët kanë paralajmëruar një tjetër tubim në kuadër të ditës së 44-t të mobilizimit.

Ashtu si në ditët e mëparshme, pjesëmarrësit do të mblidhen fillimisht në Sheshin “Skënderbej”, për të marshuar më pas drejt godinës së Kryeministrisë, ku do të mbajnë fjalime dhe do të shprehin qëndrimet e tyre lidhur me, sipas tyre, korrupsionin dhe problematikat që lidhen me qeverisjen e vendit.

Protestuesit kanë deklaruar se do të vijojnë aksionin deri në dorëheqjen e kryeministrit Edi Rama, duke përsëritur kërkesën për largimin e tij nga detyra.

Një nga njoftimet e bëra nga organizatorët është edhe dërgimi në SPAK i Aktit Normativ me të cilin qeveria miratoi fondin prej 4 milionë eurosh për mbështetjen e koncertit të artistit Ye (Kanye West) në Tiranë. Më herët, ata dorëzuan pranë Prokurorisë së Posaçme edhe librin “Albanian Files”, si pjesë e denoncimeve të tyre.

Edhe në këtë protestë pritet të dëgjohen sloganet që kanë shoqëruar tubimet e deritanishme, si “Rama, jep dorëheqjen”, “Rama në burg” dhe “Ju erdhi fundi”.

Të fundit