Flash News

Konflikt mes të rinjve në Fushë-Krujë, 22-vjeçari plagoset me thikë

Koncerti i Kanye West me fondet e shtetit, OCCRP: Qeveria e përdori për të sfumuar protestat

Defekt në tragetin e linjës Durrës-Bari, bllokohen rreth 100 pasagjerë

Ja sa vite burgim u kërkuan për nënën e Monikës

“Sy të nxirë e flokë të shkulur”/ Babai i 17-vjeçares së dhunuar: Policia nuk mori masa

Ditari i Opozitës

Berisha nga Brukseli: Kërkova ngritjen e një grupi pune për të hetuar lidhjet e qeverisë shqiptare me kartelet e drogës

Politiko 13 July 2026, 19:07

Kryetari i Partisë Demokratike, Sali Berisha, deklaroi nga Brukseli se gjatë punimeve të Asamblesë së Përgjithshme të IDC-CDI ka kërkuar krijimin e një grupi pune që, sipas tij, do të mbledhë fakte dhe do të analizojë fenomenin e krimit të organizuar dhe lidhjet e pretenduara të qeverisë shqiptare me kartelet e drogës.

Në një deklaratë për mediat pas përfundimit të asamblesë, Berisha tha se në fjalën e tij e ka përqendruar diskutimin te situata politike në Shqipëri, duke akuzuar qeverinë se ka cenuar standardet demokratike dhe procesin zgjedhor.

Sipas tij, Shqipëria është kthyer në një "narko-shtet", ndërsa pretendoi se grupet kriminale kanë ndikim të drejtpërdrejtë në jetën politike dhe ekonomike të vendit.

“Në fjalën time unë u ndala gjerësisht te narko-shteti shqiptar, nxora vetëm një aspekt të këtij narko-shteti, narko-euron. Shqipëria sot është vendi i mbivlerësimit të euros. Kjo monedhë ndër më të fortat e botës është zhvlerësuar në një shkallë të pabesueshme deri në 22 %.  

Dhe kjo në sajë të fluksit gjigant ilegal të parave të drogës. Pra, Shqipëria sot është eksportuesi kryesor i kanabisit në Europë. Kartelet e saj të drogës janë eksportuesit më kryesorë të kokainës në Europë dhe destinacione të tjera. Ato kanë të hapura portet e Shqipërisë, në të cilat prej pesë vitesh s'kapet asnjë kilogram drogë.

Ato administrojnë linjat e narkotrafikut në Shqipëri, vendosin për ligjet e vendit dhe kryeministri është në fakt padrino i tyre. Në fjalën time, pata mundësi të theksoj edhe për protestën e gjeneratës së re dhe qytetarëve që u zhvillua në Tiranë, që është kryekëput një protestë anti-diktatoriale.

U ndala dhe tek ‘Dosja Shqiptare’. Në qoftë se e peshojmë me 523 projektet e tij, tregon se sillej si një sulltan i shekujve të shkuar, e konsideron Shqipërinë çiflig të saj dhe ua ka dhuruar atë karteleve më të rrezikshme të drogës, zonat më valurane të vendit për të zhvilluar ato me paratë e drogës.

Së fundmi, ka hequr një numër të madh prej tyre nga zonat e mbrojtura, vetëm në interes të këtyre karteleve.

Mund të them se kjo paraqitje e imja këtu në këtë asamble, u prit me një interes vërtet të veçantë. Kërkova të krijohet një grup pune pranë asamblesë, për krimin e organizuar dhe kartelet e drogës në Shqipëri dhe në botë.

Dhe ky sugjerim i imi u mirëprit nga presidenti i saj, zoti Pastrana. Kështu që, mendoj se ky udhëtim ishte i vlefshëm dhe i dobishëm për Shqipërinë, pasi sa më shumë të njohë bota realitetin e Shqipërisë, aq më shumë do të flasë për një narko-diktator dhe jo për ato rrobat e bardha të tij”, deklaroi Berisha.

Të fundit