Flash News

Një tjetër ish-kryebashkiak socialist nën akuzë, SPAK merr të pandehur Fredi Kokoneshin

Vrasja e Renis Dobrës, zgjaten me 3 muaj hetimet për vëllezërit Bushgjokaj

Këmbimi valutor, me sa shiten e blihen monedhat e huaja

Kthjellime në të gjithë Shqipërinë, ja si pritet të jetë moti sot

Konflikt mes të rinjve në Fushë-Krujë, 22-vjeçari plagoset me thikë

E-TJERA

Vrasja e Renis Dobrës, zgjaten me 3 muaj hetimet për vëllezërit Bushgjokaj

Politiko 14 July 2026, 11:10
Vrasja e Renis Dobrës, zgjaten me 3 muaj hetimet për

Më kërkesë të SPAK, Gjykata e Posaçme zgjat me 3 muaj hetimet për tre vëllezërit Aleksandër, Kristi dhe Fation Bushgjokaj si dhe për Petrit Çakri, të akuzuar për vrasjen e të riut Renis Dobra.

SPAK ka kërkuar kohë deri në muajin tetor që të bëjë disa hetime shtesë, me argumentin se është e domosdoshme kryerja e disa veprimeve hetimore në kuadër të akteve të ekspertimit të telefonave dhe disa mbivendosje të gjurmëve papilare.

Avokati Erjon Kullolli, përfaqësuesi ligjor i shtetasit Fation Bushgjokaj e kundërshtoi kërkesën e organit procedues duke argumentuar se Prokuroria e Posaçme e ka patur mundësinë objektive që të kryente veprimet proceduriale të pretenduara dhe ende nuk i ka kryer.

Ky i fundit shtoi gjithashtu se deri në këtë moment procedurial SPAK ende nuk ka argumentuar kryerjen e veprës penale të “Rrëmbimit” dhe që kjo vepër të jetë kryer në kuadër të bashkëpunimit të posaçëm, të grupit të strukturuar.

Avokati mbrojtës i Bushgjokaj shtoi se kërkesa e SPAK bie ndesh me vendimin e Kolegjeve të Bashkuara të Gjykatës së Lartë, pasi prokuroria nuk ka arsyetuar dhe argumentuar shkaqet pse masa e sigurimit arrest në burg është masa më e përshtatshme.

Ndërsa përfaqësuesi ligjor i caktuar kryesisht nga gjykata i shtetasit Petrit Çarki, mbajti qëndrimin duke e lënë në vlerësim të gjykatës kërkesën.

Katër të pandehurit u përfshinë në një konflikt të rëndë fizik pak javë më parë brenda kafazit të qelqtë në sallën e gjykimit numër 2, në Gjykatën e Posaçme Antikorrupsion.

Petrit Çakraj implikoi tre vëllezërit Fation, Aleksandër dhe Kristi Bushgjokaj në vrasjen e 23 vjeccarit, duke shkaktuar tensione mes të tyre.

Kristi Bushgjokaj sulmoi Petrit Cakrajn, teksa në këtë konflikt u përfshinë edhe dy vëllezërit e tjerë Fation e Aleksandër Bushgjokaj, të cilët goditën me grushte dhe shkelma  të pandehurin duke i shkaktuar dëmtime.

Tre vëllezërit, Fation, Aleksandër, Kristi Bushgjokaj dhe Petrit Cakraj akuzohen për rrëmbimin dhe vrasjen me litar të Renis Dobrës, më 8 korrik 2025. Në bashkëpunim me njëri-tjetrin kanë organizuar rrëmbimin dhe vrasjen e 23-vjeçarit Dobra, të cilin pasi e vranë me litar e hodhën bashkë me makinën e tij buzë liqenit të Shkopetit.

Konflikti me 3 vëllezërit dhe Petrit Cakraj dyshohet se ka ardhur pasi Dobra ka tentuar t’i mashtrojë disa herë për sasitë e lëndëve narkotike.

Të fundit