Flash News

Protestat kundër Ramës, France24: Dua Lipa ngre shqetësime për transparencën e qeverisë

Beteja për fronin nis këtu, Franca dhe Spanja përplasen në “finalen e parakohshme”

SPAK dërgon për gjykim ish-kryebashkiakun e Divjakës, Fredi Kokoneshi

Diktatorët nuk ngrihen vetëm

PD dënon deklaratën e ministres serbe: Të shpallet "non grata" dhe të paditet për nxitje të gjenocidit

Ditari i Opozitës

Zhupa: Rama po mbron betonizimin, jo zonat e mbrojtura

Politiko 14 July 2026, 18:47

Deputetja e Partisë Demokratike, Ina Zhupa, ka akuzuar mazhorancën se po shmang diskutimin për shfuqizimin e ligjit 21/2024, pavarësisht kërkesës së Parlamentit Evropian për rishikimin e tij.

Në një intervistë për emisionin “Task Force” në Syri TV, Zhupa deklaroi se prej dy muajsh kërkesa nuk është futur në rendin e diskutimeve, duke e cilësuar këtë si një përpjekje për të shmangur përplasjen mes detyrimeve ndaj BE-së dhe interesave të projekteve të investimeve strategjike.

Sipas saj, qeveria ndodhet në një situatë të vështirë, pasi nga njëra anë duhet të zbatojë rezolutën e Parlamentit Evropian, ndërsa nga ana tjetër synon të ruajë mundësinë për zhvillimin e projekteve në zona të mbrojtura.

Zhupa akuzoi kryeministrin Edi Rama se ndryshimet ligjore janë bërë për t’iu përshtatur projekteve private.

“Qartësisht ky ishte edhe debati sot në Komisionin e Kulturës, Turizmit dhe Diasporës. Janë dy muaj që nuk pranojnë ta fusin dhe as ta diskutojnë sepse janë në një ngërç. Nga njëra anë, i ka kërkuar Parlamenti Evropian, i ka kërkuar me rezolutë, dhe këta kanë marrë përgjegjësi në Parlamentin Shqiptar që do të zbatojnë rezolutën e Parlamentit Evropian, që do të thotë do të duhet ta shfuqizojnë ligjin 21/2024.

Dhe nga ana tjetër, kanë këtë librin që është më i rëndësishëm, është libri i premtimeve të Edi Ramës për ndërtuesit e vet dhe për masakrën e betonizimit me investime strategjike në Shqipëri duke mos pyetur për zonat e mbrojtura. Dhe të ndodhur përballë këtij ngërçi, që nga njëra anë kanë një detyrim nga Parlamenti Evropian, janë protestat 45 ditë, është ligji prej dy muajsh, sot fiks dy muaj, nga 14 maji i depozituar, ata zgjedhin që të mos e diskutojnë fare, sepse nuk mund ta votojnë dot kundër se lidhet drejtpërdrejt me Bashkimin Evropian. Ja u tregova atyre sot edhe po e shfaq pak këtu, kjo është pishporo. Këto janë të gjitha komplekse vilash të cilat janë parashikuar për t'u ndërtuar në zonë të mbrojtur.

Dhe nëse shfuqizohet ligji 21/2024, këto nuk bëhen dot. Po tregoj këtë meqë është kjo sot çështja e ditës, por si kjo këtu kemi zona të mbrojtura, nuk e di a dallohet dot, kemi zona të mbrojtura në të gjithë Shqipërinë që janë komplekse vilash që do të ndaloheshin nëse nuk do të ishte ligji 21/2024. Dhe këta e kanë quajtur dimensioni horizontal, sepse është e mbushur me vila dhe jo me kulla siç është dimensioni vertikal i Tiranës, i Edi Ramës dhe studio është Archea Associati”, tha Zhupa.

Të fundit