Flash News

Auditorët e BE ‘nxijnë’ Shqipërinë: Projektet e transportit, të ngadalta dhe të pambikëqyrura

Këmbimi valutor, me sa lekë blihen e shiten valutat kryesore sot

"La Roja" në finalen e Botërorit, Franca dorëzohet në gjysmëfinale

"La Roja" godet e para! Spanja merr avantazhin ndaj "Gjelave"

Policia jep detaje nga aksidenti në Cërrik: Dy viktima dhe një i plagosur

SPORT

Mbappe pranon dështimin: Spanja ishte më e mirë, nuk luajtëm siç duhej

Politiko 15 July 2026, 09:04

Screenshot 2026-07-15 084908.png

Kylian Mbappe nuk e fshehu zhgënjimin pas eliminimit të Francës në gjysmëfinalen e Kupës së Botës 2026 nga Spanja. \Kapiteni i "Les Bleus" pranoi se skuadra e Didier Deschamps nuk arriti të zbatojë planin e lojës dhe se spanjollët ishin superiorë, veçanërisht në mesfushë, duke merituar kualifikimin në finale.

"Nuk luajtëm ndeshjen që kishim përgatitur. Nuk ishim në nivelin e kërkuar, qoftë taktikisht, teknikisht apo në aspektin e performancës. Dhe kur nuk je në nivel në një gjysmëfinale të Kupës së Botës, nuk mund të fitosh", u shpreh Mbappe për M6.

Sipas tij, objektivi ishte të ushtrohej presion i lartë ndaj Spanjës për të mos e lejuar të kontrollonte ritmin e lojës, por francezët nuk arritën ta zbatonin këtë strategji.

"Donim t'i detyronim të luanin nën presion dhe të mos vendosnin ritmin e tyre. Ata janë më të mirë se ne në kontrollin e topit dhe ne dështuam ta pengonim këtë", tha sulmuesi.

Mbappe pranoi gjithashtu se Spanja dominoi në mesfushë, ku Rodri, Dani Olmo dhe Fabian Ruiz krijuan vazhdimisht epërsi numerike ndaj Adrien Rabiot dhe Aurelien Tchouameni.

"Shpesh ishim dy kundër tre në mesfushë dhe kundër një skuadre si Spanja kjo të ndëshkon. Kur i bashkon të gjitha këto elemente, rezultati është eliminimi. Është një zhgënjim i madh", deklaroi ai.

Në përfundim, kapiteni francez tha se skuadra duhet ta pranojë humbjen me dinjitet dhe të shohë përpara.

"Ëndrra jonë ishte të luanim finalen dhe t'i jepnim Francës mundësinë të shkruante histori. Nuk ia dolëm, por duhet ta pranojmë këtë me kokën lart. Tani na duhet të rikuperohemi, të pushojmë dhe të nisim një kapitull të ri, sepse futbolli nuk pret askënd", përfundoi Mbappe.

Të fundit