Flash News

“Fytyra e Instagramit” dhe makthi i kirurgjisë plastike

PD mbledh sot Këshillin Kombëtar, në rend dite zgjedhja e strukturave të reja drejtuese

Gjendet i pajetë 28-vjeçari shqiptar në Britani

Apeli konfirmoi 16 vite burgim për Mario Përlleshaj, reagon babai i Martin Canit: Donim dënim më të rëndë, por…

“Skifterët” zbresin në bregdet, tentohet grabitja e të moshuarit në Borsh, 3 të arrestuar

SPORT

Finalja e Botërorit mund të thyejë traditën, FIFA shqyrton pushim 25-minutësh për spektaklin muzikor

Politiko 15 July 2026, 17:51

Finalja e Kupës së Botës 2026 mund të sjellë një ndryshim të pazakontë në historinë e turneut, pasi FIFA po shqyrton mundësinë e zgjatjes së pushimit mes dy pjesëve përtej kohës së zakonshme.

Sipas raportimeve, institucioni më i lartë i futbollit botëror po diskuton një pauzë deri në 25 minuta për finalen që do të zhvillohet në stadiumin “New York New Jersey”. Arsyeja lidhet me organizimin e një shfaqjeje muzikore madhështore, të konceptuar në stilin e spektaklit të finales së Super Bowl.

Performanca pritet të zgjasë rreth 11 minuta dhe mund të përfshijë disa prej emrave më të mëdhenj të skenës ndërkombëtare. Në listën e artistëve të përfolur janë Madonna, Shakira dhe grupi BTS, ndërsa gjithashtu janë përmendur edhe Justin Bieber, Burna Boy dhe figura të tjera të muzikës botërore.

Nëse miratohet, ky vendim do të përbënte një përjashtim nga rregullat aktuale të IFAB, sipas të cilave intervali mes dy pjesëve të një ndeshjeje nuk duhet të kalojë 15 minuta.

Një precedent i ngjashëm u krijua në finalen e Kupës së Botës për Klube, ku pushimi u zgjat në 24 minuta për shkak të aktivitetit muzikor të organizuar gjatë intervalit.

Finalja e Botërorit 2026 do të nisë në orën 21:00 sipas kohës së Evropës Qendrore dhe pritet të shoqërohet me një ceremoni spektakolare para fillimit të ndeshjes.

Të fundit