Mimi Kodheli rezerva për qeverinë: Përgjegjëse që vendi gjendet në këtë derexhe

Për deputeten e Partisë Socialiste, Mimi Kodheli mazhoranca ka përgjegjësitë e veta për ngërçin politik në vend. Në studion e lajmeve në ‘Ora News’, Kodheli shkon edhe më tej kur thotë se ‘mua më vjen shumë keq që retorika politike e ka sjellë vendin në këtë derexhe’, ndërsa shton se nuk është mirë që gjithçka po ndodh në prag të vendimit për negociatat.

“Qeveria duhet të ndjejë përgjegjësi për të gjitha situatat e krijuara në vend, problemi është që qeveria nuk është aktori dhe faktori i vetëm i jetës politike, ndaj në një demokraci funksionale duhet që të dyja anët e ekuilibrit politik të funksionojnë në mënyrë që gjërat të shkojnë më mirë se ç’duhet. Patjetër që qeveria ndjen dhe ka përgjegjësitë e veta. Mua më vjen shumë keq që retorika politike e ka sjellë vendin në këtë derexhe.

Në të gjitha momentet e rëndësishme, kush ka ditur të tregohet burrë apo grua shteti apo forcë politike serioze e ka demonstruar këtë përtej gjithë retorikës politike dhe vështirësive që ka pasur në atë moment politika. Të krijohet ideja sikur ka një acarim social që nuk është e votuesve por e politikës në momente kyçe siç është hapja e negociatave”, përfundoi Kodheli.

“12 deputetë të PS kanë krijuar grupin e tyre, do kërkojnë largimin e Ramës për të shmangur destabilitetin”