Mjekuan autorin që vrau dy biznesmenët në Laç, lirohen nga burgu dy doktorët e klinikës private në Tiranë

Gjykata e Apelit Tiranë ka lënë të lirë dy mjekët e spitalit privat në Tiranë, të cilët u arrestuan pasi mjekuan Eduart Lamajn (i plagosur me plumb në këmbë), i akuzuar për vrasjen e dy biznesmenëve në 30 maj të këtij viti në Laç.

Trupa e gjyqtarëve e kryesuar nga Ridvan Hado ka lënë të lirë disa ditë pas arrestimit, duke ndryshuar masën e sigurisë nga “arrest me burg” në “detyrim paraqitje” mjekët Viktor Marku dhe Besim Lama.

Dy mjekët akuzohen për veprat penale “moskallëzim krimi” dhe “veprime që pengojnë zbulimin e së vërtetës”.

Ata kishin pranuar ta operonin autorin e dyshuar kryesor të dy biznesmenëve në Laç, Eduart Lamajn, pa e referuar ngjarjen në polici në klinikën private.

Më 30 maj Eduart Lamaj dyshohet se në bashkëpunim me disa persona të tjera, mes tyre edhe Kreshnik Tusha që mbeti i plagosur, vranë në atentat Bujar Likën i njohur si shoku i Vis Martinajt dhe Paulin Gjergjin.

Lamaj u arrestua në një spital privat në qytetin Studenti në Tiranë, ku po merrte mjekim për plagën që kishte marrë në këmbë gjatë shkëmbimit të zjarrit, mbrëmjen kur ndodhi vrasja.