Përfshihet në flakë anija në Kaliforni, të paktën 25 të vdekur

Të paktën 25 persona kanë humbur jetën, për shkak se anija ku ata udhëtonin në Kaliforni u përfshi në flakë.

Anija, e cila kishte në bord 39 persona, u dogj pranë ishullit Santa Cruz. Deri tani, zhytësit kanë gjetur vetëm 25 trupa, ndërsa rezultojnë të zhdukur nëntë pasagjerë.

Deri tani, vetëm 5 prej udhëtarëve janë shpëtuar nga Forcat Speciale, ndërsa kërkimet vazhdojnë.

Anija ishte nisur në një tur tre ditor, kurse shkaku i zjarrit mbetet ende i paqartë.