Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

KRYESORE

Rakipi akuzon Ramën: Më ndërpreu kontratën para kohe me pronarin e News 24. Shihemi në shtator

Politiko 28 Gusht 2019, 21:21
Rakipi akuzon Ramën: Më ndërpreu kontratën para kohe me

Gazetari Ylli Rakipi ka konfirmuar mbylljen e emisionit “Të paekspozuarit”, që transmetohej cdo të enjte në News 24. I ftuar në studion e lajmeve të Ora News, Rakipi akuzoi disa herë kryeministrin Edi Rama se ka ushtruar presion ndaj pronarit të televizionit, Irfan Hysenbelliu.

“Ka ndodhur një gjë shumë e thjeshtë.  Nëse shohim, Shqipëria po shkon drejt një regjimi të plote. Kryeministri ka staturën e një autokrati, një diktatori. Kontrata ime është ndërprerë në mes, mbaronte në vitin 2020. Ishte një kontratë dy vjeçare. Edhe kjo gjë u manipuluar për tu përdorur, si një element i rëndësishëm, për të thënë ka mbaruar kontrata.

Unë në emisionin tim përgjatë ekzekutimit të tij, kam patur problematika të mëdha me qeverinë dhe kryeministrin Rama. Kam edhe materiale filmike, ku Rama vjen në tryezë dhe bën presion, ofendon një prej gazetarëve. E rëndësishme është se Edi Rama është fokusuar në emisionin tim, kur unë kam publikuar afera të lidhura drejtpërdrejtë me qeverinë.

Presioni ndaj pronarit, mund të mos jetë i drejtpërdrejtë, edhe pse këto nuk mungojnë, jo vetëm me pronarin aktual, por edhe në vende të tjera kur kam qenë, i kam parë me sytë e mi komentet, mesazhet.

Është instaluar një regjim dhe tani është radha që pasi mori pushtetet, të marrë edhe ajrin. Kështu ndodh në të gjithë diktaturat.”, deklaroi Rakipi, që shtoi se ai kishte edhe një vit kontratë me televizionin. “Kontrata ime përfundonte në Gusht të vitit 2020. Pra kisha edhe një vit kontratë”.

Rakipi premtoi se emisioni do të vijojë të transmetohet në shtator ose tetor, në një televizion tjetër, pa përmendur emrin, ndonëse në media është raportuar se ai është në negociata me Syri TV dhe IN TV. “Deri sa të unë të jem gjallë, emisioni do të transmetohet, ndaj Edi Rama duhet të presë”, i pohoi ai gazetares Beti Njuma.

Në media është raportuar se Ylli Rakipi dhe Adi Krasta do të zëvedësohen nga Sokol Balla, i cili do të nisë në shtator një emision që do të transmetohet katër herë në javë.

Të fundit