Flash News

Raporti i KE “nxin” qeverinë: PPP-të, tenderët, Tatimet e Doganat mbeten vatra korrupsioni

Detaje nga vrasja e Edmond Sulës/ Ekzekutori u arratis në këmbë, pistat e hetimit

Fundjavë përvëluese, temperaturat deri në 41 gradë të dielën

Gomonja me 11 emigrantë bllokohet në det pranë Vlorës, shpëtohen nga Policia Kufitare

Dhunohet fizikisht oficeri i krimeve në Sarandë, policia nis kontrollet

Ditari i Opozitës

“BE rrëzon Ramën për Ballukun”, Bardhi: Raporti konfirmon kapjen e shtetit dhe pabarazinë para ligjit

Politiko 17 July 2026, 19:59
“BE rrëzon Ramën për Ballukun”, Bardhi: Raporti

Kreu i Grupit Parlamentar të Partisë Demokratike, Gazment Bardhi, ka reaguar pas raportit të Komisionit Europian për Sundimin e Ligjit 2026, duke u ndalur te çështja e Belinda Ballukut.

Bardhi deklaroi se raporti i Brukselit e konsideron këtë çështje si një problem të lidhur me barazinë para ligjit dhe rrezikun e pandëshkueshmërisë, duke akuzuar qeverinë se ka përdorur Kuvendin si mburojë për të penguar hetimet e SPAK-ut.

Sipas tij, vendimi i mazhorancës për të mos hequr imunitetin e Ballukut, pas kërkesës së SPAK-ut, si dhe ndryshimet e propozuara në Kodin e Procedurës Penale, kanë ngritur shqetësime për ndikimin politik mbi drejtësinë.

Bardhi i bëri thirrje SPAK-ut të vijojë procedurat ligjore dhe të kërkojë heqjen e imunitetit të Ballukut, duke pretenduar se kjo është e vetmja mënyrë për të shmangur standardet e dyfishta në luftën kundër korrupsionit.

REAGIM I KRYETARIT TË GRUPIT PARLAMENTAR TË PD, GAZMENT BARDHI

BE RRËZON RAMËN PËR BALLUKUN: JO GJUETI SHTRIGASH, POR PANDËSHKUESHMËRI! 

Brukseli vulos çështjen “Balluku” si simbol të kapjes së shtetit, pabarazisë para ligjit dhe pandëshkueshmërisë së korrupsionit në nivelet më të larta të qeverisjes.

Raporti 2026 i Komisionit Evropian për Shtetin e së Drejtës, i publikuar sot, konfirmon zyrtarisht se Edi Rama e ktheu Kuvendin e Shqipërisë në mburojë personale për bashkëpunëtoren e tij, të akuzuar për 1.1 miliardë euro abuzime me tenderat. Raporti i Komisionit Evropian konfirmon njëkohësisht se opozita qëndroi aty ku duhej: në krah të ligjit dhe kundër korrupsionit.

Atë që Edi Rama e quajti “gjueti shtrigash” kundër Belinda Ballukut, Komisioni Evropian sot i vë emrin e vërtetë: cenim i barazisë përpara ligjit dhe presion i pushtetit mbi drejtësinë.

Për herë të parë, Brukseli e shkruan të zezën mbi të bardhë fjalën që përshkruan qeverisjen e Edi Ramës: PANDËSHKUESHMËRI. Ai shprehet qartë se refuzimi i Kuvendit për të hequr imunitetin e Belinda Ballukut, pas kërkesës së SPAK-ut, cenon parimet e kontrollit dhe balancës, si edhe barazinë përpara ligjit. Raporti dokumenton gjithashtu se, paralelisht me refuzimin e kërkesës së SPAK-ut, mazhoranca, me firmën edhe të Edi Ramës, propozoi ndryshime në Kodin e Procedurës Penale për të zgjeruar rrethin e zyrtarëve që nuk mund të pezullohen nga detyra. Njësoj si opozita, edhe Komisioni Evropian arrin në përfundimin se këto ndryshime pengojnë hetimet për korrupsionin e nivelit të lartë dhe ushqejnë pandëshkueshmërinë.

Por ky raport nuk është vetëm një aktakuzë ndaj mazhorancës. Ai duhet lexuar edhe si një thirrje për Prokurorinë e Posaçme, e cila prej disa javësh po zbaton dy standarde për Belinda Ballukun. Edhe pse vetë SPAK ka bërë publike se pozita e saj penale është rënduar me dyshimet për korrupsion pasiv dhe pastrim parash, nuk po zbaton standardin që vetë deklaroi gjashtë muaj më parë, sipas të cilit, kur rëndohet pozita penale, rëndohet edhe masa e sigurimit. SPAK ka vetëm një rrugë për të mos u bërë pjesë e pandëshkueshmërisë që denoncon sot Brukseli në çështjen Balluku: t’i drejtohet pa vonesë Kuvendit me kërkesën për heqjen e imunitetit dhe arrestimin e Belinda Ballukut.

Të fundit