Flash News

Raporti i KE “nxin” qeverinë: PPP-të, tenderët, Tatimet e Doganat mbeten vatra korrupsioni

Detaje nga vrasja e Edmond Sulës/ Ekzekutori u arratis në këmbë, pistat e hetimit

Fundjavë përvëluese, temperaturat deri në 41 gradë të dielën

Gomonja me 11 emigrantë bllokohet në det pranë Vlorës, shpëtohen nga Policia Kufitare

Dhunohet fizikisht oficeri i krimeve në Sarandë, policia nis kontrollet

KRYESORE

Hetimet ndaj Belinda Ballukut, raporti i KE: SPAK kërkoi arrestimin, por Kuvendi refuzoi t’i heqë imunitetin!

Politiko 17 July 2026, 19:35

Raporti i fundit i Komisionit Europian për sundimin e ligjit në Shqipëri ka vënë në fokus zhvillimet që lidhen me ish-zëvendëskryeministren Belinda Balluku, e cila është nën hetim nga SPAK për çështje që lidhen me korrupsionin dhe procedurat e tenderimit.

Në dokumentin e tij, Komisioni Europian ngre shqetësime për mënyrën se si institucionet shqiptare kanë trajtuar kërkesat e organeve të drejtësisë, duke vënë theksin te respektimi i parimeve të kontrollit dhe balancës, si dhe te barazia para ligjit.

Sipas raportit, në mars të vitit 2026, Kuvendi rrëzoi kërkesën e SPAK-ut për heqjen e imunitetit të një deputeti të akuzuar për shkelje të parimit të barazisë në procedurat e tenderimit. Ky vendim, sipas Komisionit Europian, ka ngritur pikëpyetje mbi funksionimin e mekanizmave të kontrollit institucional dhe mbi zbatimin e njëjtë të ligjit për të gjithë.

“Refuzimi i Kuvendit për të hequr imunitetin e një deputeti ka ngritur shqetësime në lidhje me respektimin e parimeve të kontrollit dhe balancës, si dhe të barazisë para ligjit”, thuhet në raport.

ke raporti be belinda balluku spak

Komisioni Europian ka evidentuar gjithashtu edhe nismat e një grupi deputetësh të shumicës parlamentare për ndryshime në Kodin e Procedurës Penale. Këto ndryshime synojnë zgjerimin e kategorisë së funksionarëve publikë ndaj të cilëve nuk mund të zbatohet masa e pezullimit nga detyra gjatë procedimeve penale.

Sipas KE-së, një ndërhyrje e tillë ligjore mund të ndikojë negativisht në efektivitetin e hetimeve penale, veçanërisht në rastet që lidhen me korrupsionin në nivelet e larta të administratës dhe politikës.

“Refuzimi i Kuvendit për të hequr imunitetin e një deputeti ka ngritur shqetësime në lidhje me respektimin e parimeve të kontrollit dhe balancës, si dhe të barazisë para ligjit. Në mars 2026, Kuvendi rrëzoi kërkesën e SPAK-ut për heqjen e imunitetit të një deputeti, i akuzuar për shkeljen e parimit të barazisë në procedurat e tenderimit. Ky refuzim ngriti shqetësime për respektimin e parimeve të kontrollit dhe balancës institucionale, si dhe të barazisë para ligjit.

Paralelisht, një grup deputetësh të shumicës parlamentare propozuan ndryshime në Kodin e Procedurës Penale që synojnë zgjerimin e kategorisë së funksionarëve publikë ndaj të cilëve nuk mund të zbatohet masa e pezullimit nga detyra gjatë procedimeve penale, si masë sigurimi. Këto ndryshime kanë ngritur shqetësime se mund të dëmtojnë efektivitetin e hetimeve penale, veçanërisht të hetimeve për korrupsion në nivelet e larta, si dhe të krijojnë perceptimin e pandëshkueshmërisë”, thuhet në raport.

Të fundit