Flash News

Amnistia nxjerr nga qelia Sokol Sanxhaktarin, dhëndrin e ish-kryebashkiakut të Elbasanit

Aksident në aksin Elbasan-Librazhd, humb jetën 19-vjeçari

Vrasja e Martin Canit: Nga TikTok-u te algoritmi, si ndryshoi narrativa e Ramës për ‘fajtorin’

Ndotje mjedisore në Dhërmi/ IKMT pezullon dhe gjobit 5 kompani

Detaje nga ngjarja në Shkodër: Vëllai i të plagosurit u nis me armë për hakmarrje

Ditari i Maxhorancës

Heshti për deklaratën e ministres serbe, Rama justifikohet: Nuk reagojmë për çdo idiotësi

Politiko 16 July 2026, 18:11

Deklarata e ministres serbe Snezhana Paunoviç ngjalli reagime të shumta në Kosovë e në rajon. Paunoviç deklaroi se nëse do të kishte qenë në vendin e Sllobodan Millosheviçit gjatë luftës në vitin 1998, do të kishte kryer një spastrim etnik edhe më të madh në Kosovë.

Por, në vorbullën e reagimeve, mungoi një status nga kryeministri Rama, i cili zakonisht është mësuar t’i përgjigjet çdo deklarate, por për Kosovën heshti.

Sot, Rama ka shkruar disa rreshta për të shfajësuar veten, një ditë pasi qeveria e tij u kritikua nga Xhelal Sveçla, ministri i Drejtësisë në Kosovë. Kryeministri është shprehur se qeveria ka reaguar përmes ministrit të Jashtëm. Madje, ai shprehet se nuk mund të reagojë për çdo deklaratë që bëhet nga Beogradi.

“Ideja se çdo njeri që ka një zë publik, çdo institucion dhe autoritet, u dashka të reagojë për çdo idiotësi të thënë në serbisht, deri edhe nga personazhe që sa pa e thënë idiotësinë vetëm familja e tyre e dinte se ekzistonin, është një ide që tregon se sa pak e respektojnë veten dhe vendin ata që vënë kujën e që kërkojnë edhe hesap pse nuk reagon ky e ai!

Ne kemi reaguar përmes ministrit të jashtëm, siç bën një shtet që ka respekt për veten dhe kush kërkon nga ne që të bëhemi kor histerik sa herë del një çyryk në Beograd e flet përçart, ka ngatërruar adresë.

Mjafton të shikosh reaguesit e rastit nga Tirana, se si gjejnë një kalë të ngordhur për të marrë poza luftëtarësh në front dhe e kupton menjëherë pse kategoria e tyre meriton vetëm keqardhjen e radhës, ndërkohë që po deshe të mbash ijet me dorë duhet edhe të gjesh kohë t’i lexosh”, shkruan Rama.

Të fundit