Flash News

Ndotje mjedisore në Dhërmi/ IKMT pezullon dhe gjobit 5 kompani

Detaje nga ngjarja në Shkodër: Vëllai i të plagosurit u nis me armë për hakmarrje

Plagosje me thikë brenda Poliklinikës në Shkodër

Kur Parlamenti fillon të përfaqësojë burgun

Tiranë/ 40-vjeçarja gjendet e mbytur te Liqeni i Thatë

Ditari i Opozitës

Berisha: Drejtimi i PD është ripërtërirë me personalitete ndër më të shquarit në fushat e tyre

Politiko 16 July 2026, 13:01

8c2b87d6-a803-4451-946a-659e931781a6.jpeg

Kryetari i Partisë Demokratike, Sali Berisha, e cilësoi procesin e zgjedhjes së drejtuesve të rinj të partisë si një hap të rëndësishëm në ripërtëritjen e PD-së.

Në një konferencë me gazetarët, Berisha uroi të zgjedhurit në strukturat drejtuese, falënderoi të gjithë kandidatët që morën pjesë në garë dhe theksoi se drejtimi i ri i demokratëve është pasuruar me figura që, sipas tij, janë ndër personalitetet më të spikatura në fushat e tyre.

Berisha: Unë kam një falënderim të veçantë për të gjithë ata të cilët kandiduan për këto poste të rëndësishme.
I garantoj për konsideratën time më të lartë dhe vlerësimin më të madh pavarësisht nga rezultati i këtij votimi.
Shpresoj të vazhdojmë bashkëpunimin me ta si personalitete të shquara të PD.
Falënderoj zotin Gazment Bardhi dhe komisionin e votimit për punën serioze që bënë.
Kam një ndjesë publike për zotin Lorenc Luka, i cili ka dërguar një mesazh me të cilin ai informon se nuk dëshiron të kandidojë, por mesazhi është lexuar me vonesë.
Ndaj dhe unë duke shprehur konsideratën time më të lartë për të gjithë kontributet e zotit Lorenc, e gjej të domosdoshme t’i kërkoj ndjesë për vendosjen e tij për shkak të leximit me vonesë të mesazhit që kishte dërguar.
Pra, siç e shihni, ka një ripërtëritje të madhe me personalitete ndër më të shquarat të fushave të tyre në drejtimin e PD.
Kjo dëshmon vendosmërinë e kësaj partie për ripërtëritjen.
Kjo dëshmon gjithashtu potencialet e saj shumë të mëdha.
Kjo dëshmon gjithashtu votën e lirë si mekanizëm themelor të funksionimit të kësaj partie.
Edhe njëherë, urimet më të përzemërta të zgjedhurve të rinj.

Të fundit