Flash News

Gomonja me 11 emigrantë bllokohet në det pranë Vlorës, shpëtohen nga Policia Kufitare

Dhunohet fizikisht oficeri i krimeve në Sarandë, policia nis kontrollet

Këmbimi valutor, me sa shiten e blihen monedhat e huaja

Temperatura deri në 39°C, si pritet moti në vend ditën e sotme

“47 ditë, ne nuk tërhiqemi”/ Pankartat pikante nga protesta

Ditari i Maxhorancës

Ministrja e Vuçiç foli për spastrim etnik, Ferit Hoxha shfaqet i qeshur dhe shtrëngon duart me homologun serb

Politiko 17 July 2026, 12:31

auto_hoxhaaa_sd1784282632.webp

Deklarata shokuese e ministres serbe Snezhana Paunoviq, e cila tha se po të ishte në vend të Sllobodan Millosheviç do ta kishte "spastruar etnikisht Kosovën", duket se nuk e ka shqetësuar aspak ministrin e Jashtëm të Shqipërisë, Ferit Hoxha, i cili u shfaq i buzëqeshur në takimin me homologun e tij serb, Marko Gjuriç, në margjinat e Ministerialit të Uashingtonit.

Edhe pse Tirana zyrtare reagoi vetëm pasi deklarata kishte shkaktuar reagime të shumta ndërkombëtare, ministri shqiptar u mjaftua me një deklaratë në rrjetet sociale, ndërsa në praktikë zgjodhi të vijonte normalisht axhendën diplomatike me përfaqësuesin e qeverisë serbe, pa asnjë shenjë distance politike ndaj retorikës që ka tronditur opinionin publik.

Fotot e takimit, të shoqëruara me shtrëngime duarsh dhe buzëqeshje, duket se kanë qenë thjeshtë formale mbi mesazhin që përcolli diplomacia shqiptare në një moment kur një ministre e kabinetit të Aleksandër Vuçiç justifikoi publikisht spastrimin etnik të shqiptarëve të Kosovës. 

"Ripërsërita qëndrimin e qartë dhe të vendosur të Shqipërisë në lidhje me deklaratat e papranueshme dhe të papërgjegjshme të bëra së fundmi nga një anëtare e Qeverisë së Serbisë, si dhe theksova nevojën për të hedhur poshtë pa mëdyshje retorikën që nxit tensionet, minon stabilitetin dhe bashkëpunimin rajonal dhe bie ndesh me frymën e marrëdhënieve të fqinjësisë së mirë dhe vlerave evropiane", shkroi ministri në një postim në rrjetin social X, gjatë takimit me Marko Gjuriç . 

auto_0cc41c20-3490-4d79-94eb-e69cfe34d7c71784282838.jpg

Edhe kryeministri Edi Rama zgjodhi të mos e komentojë drejtpërdrejt deklaratën e ministres serbe.

Në reagimet e tij publike ai u fokusua te kritikat ndaj kundërshtarëve politikë, pa i kushtuar asnjë rresht deklaratës që u dënua nga Bashkimi Evropian dhe u distancua edhe nga vetë presidenti serb, Aleksandër Vuçiç.

 

Të fundit