Flash News

Raporti i KE “nxin” qeverinë: PPP-të, tenderët, Tatimet e Doganat mbeten vatra korrupsioni

Detaje nga vrasja e Edmond Sulës/ Ekzekutori u arratis në këmbë, pistat e hetimit

Fundjavë përvëluese, temperaturat deri në 41 gradë të dielën

Gomonja me 11 emigrantë bllokohet në det pranë Vlorës, shpëtohen nga Policia Kufitare

Dhunohet fizikisht oficeri i krimeve në Sarandë, policia nis kontrollet

E-TJERA

Julinda Emiri rrëfen betejën me depresionin dhe dashurinë për aktrimin: Skena më shpëtoi

Politiko 17 July 2026, 20:25
Julinda Emiri rrëfen betejën me depresionin dhe dashurinë

E ftuar në emisionin “ELEVATE”, aktorja dhe Kryetarja e re e Këshillit Kombëtar të Partisë Demokratike, Julinda Emiri, ka ndarë një anë më personale të jetës së saj, duke folur për periudhat e vështira, rrugëtimin në art dhe përballjen me sfidat personale.

Gjatë intervistës, Emiri rrëfeu se ka kaluar një periudhë të vështirë emocionale, të cilën e mbajti të fshehur edhe nga njerëzit më të afërt. Ajo e përshkroi atë fazë si një kohë izolimi dhe lodhjeje psikologjike, ku vetmia ndikoi ndjeshëm në gjendjen e saj.

Aktorja tregoi se pikërisht aktrimi u kthye në një pikë mbështetjeje për të, duke e përshkruar skenën si një hapësirë ku arrin të shkëputet nga realiteti dhe të lidhet me emocionet e personazheve.

“Kur futem në një rol përjetoj një gjendje tjetër, një lloj transi. Është një ndjesi shumë e fortë që më bëri të kuptoj se ky ishte rrugëtimi im”, u shpreh ajo.

Emiri foli gjithashtu për vështirësitë e jetës si aktore, pasigurinë e profesionit dhe periudhat kur tregu i artit nuk ofron mundësi të njëjta për të gjithë. Megjithatë, ajo theksoi se pavarësisht sfidave, nuk do ta zëvendësonte aktrimin me asnjë profesion tjetër.

Në këtë intervistë, Julinda Emiri shfaqet përtej figurës publike, duke rrëfyer një histori personale për përballjen me veten, forcën për të kaluar momentet e vështira dhe lidhjen e saj të fortë me skenën.

 

 

Të fundit