Ramës i futet “frika në palcë” nga braktisja, "i tërheq veshin" sipërmarrjes: Rrisni pagat e punonjësve

Grupmosha të ndryshme në vend, kanë “braktisur” Shqipërinë për një të ardhme më të mirë për veten e tyre.

Të shumtë janë ata të rinjë të cilët në mungesë të një page të mirë, një pune të mirëfilltë kanë zgjedhur rrugët e panjohura të emigrimit duke lënë pas vendlindjen.

E mesa duket në këtë startim fushate, kryeministrit Edi Rama “i kanë ardhur mendtë”. Teksa ka parë përqarkë që popullësia në vend sa vjen e tkurret, Rama ka hedhur tentakulat te sipërmarrësit duke u kërkuar që të trajtojnë me dinjitet punonjësit dhe të rrisin nivelin e pagave.

Kryeministri Edi Rama teksa ka nisur takimet informuese me përfaqësues të biznesit të madh për rritjen e pagës minimale nga Durrësi, shprehet: “Trajtimi dinjitoz i punonjës nuk duhet të jetë problem,  por zgjidhja. Të rrisin pagat dhe të mbajnë të paprekur kapitalin njerëzor, sepse kur të humbasin kapitalin njerëzor, do humbasin gjithçka. Ne do bëjmë tonë  për këtë pjesë. Jetojmë në një sistem që nuk ia lejon qeverisë, por kjo është çështje e konkurrencës. Po nga ana tjetër ne nuk mund të rrimë të bëjmë sehir, që kompani të caktuara nuk i trajtojnë mirë punonjësit. Në vitin 2030, synimi është që Shqipëria të mos ketë pagë më të vogël se 60 mijë lekë.”, tha Rama.

Po ashtu kryeministrit Rama u ndal konkretisht tek sektori i ndërtimit, ndërsa tha se ka kompani, të cilat deklarojnë paga minimale dhe larg standardit të pagave të sektorit

Kryeministri i paralajmëroi këto kompani, duke thënë se nëse shkelin rregullat nuk do mund të marrin leje dhe nuk mund të hyjnë në garë për të përfituar tenderë publikë.

“Nuk do lejojmë të hyjnë në tenderë publikë, të atyre kompanie që kanë nivele pagash që nuk i paraqiten realitete të pagave. Nuk do t’u japim leje ndërtimi për ata kompani që bëjnë evazion dhe abuzim me pagat dhe do fillojmë hap pas hapi, të kërkojmë nga kompanitë që duan të kenë kontrata apo të drejta të marra nga shteti, që të kërkojmë kontratën kolektive të punës, që garanton të drejtën e punëtorëve. Ne do kërkojmë që kompanitë të përgatisin kontratat kolektive të punës”, theksoi ai.

Por e gjithë kjo “tërheqje veshi” duket si propogandë dhe një mënyrë që Rama ti tregoj popullit se: Unë jam me ju, di çdo hall dhe po përpiqem ti zgjedh.

Partia Socialiste çel fushatën 

Sakaq ditën e djeshme (11 prill) Partia Socialiste ka çelur fushatën elektorale sa i takon zgjedhjeve të 14 majit, me sloganin “Kurrë më mbrapa, vetëm përpara”.

Gjatë fjalës së tij, kryeministrit i vendit Edi Rama është shprehur se është krenar për vlerën e shtuar që fitoret e PS-së kanë sjellë për Shqipërinë

Dhe si gjithmonë nuk hoqi dorë nga rritja e pagës së premtuar.

“Sa shumë dëme do ishin shmangur pa votën e atyre të tjerëve. Mjafton të shikoni Shkodrën, ku vota kundër PS nuk ka sjellë asnjë ndryshim pozitiv. Ka krijuar një pashallëk të një force politike, që duke drejtuar vetëm mbrapsht e ka shndërruar një nga qendrat kulturore të vendit në papastërti. Sot negociojmë anëtarësimin në BE dhe kemi mundësuar tanimë rritjen e pagës mesatare në 900 euro fillim vitit të ardhshëm.

Është frut i mundimit të atyre që na kanë besuar dhe na kanë votuar. Kjo rritje pagash nuk është vetëm fund ii një kapitulli ndryshimi, po dhe fillimi i një kapitulli të përbashkët ku kemi vendosur ta ngrijmë Shqipërinë. 10000 euro duam ti çojmë të ardhurat për fryme dhe të kemi një pagë minimale të paktën 60 mijë lekë. Pavarësisht rrëzimeve gjatë rrugës, jo vetëm që këto nuk bëhen po vendi ecën mbrapa.”, ka thënë Rama.

Shkelja e Kodit Zgjedhor

Kujtojmë që pak ditë më para, kreu i qeverisë u ka bërë premtime të mëdha pensionistëve, duke shkelur kështu dhe Kodin Zgjedhor.

Kodi Zgjedhor përcakton në nenin 91 të tij se në një periudhë 4 muaj para zgjedhjeve ndalohen vendime me efekte financiare si rritje pagash e pensionesh, ndryshime në politikat fiskale, si dhe investime të paparashikuara në buxhetin e shtetit.

Premtimet e Ramës për rritjen e pagave

Pasi njoftoi rritje pagash në nivelin e 900 eurove dhe 5 mijë lekë shtesë për pensionistët në muajin Prill, shkelja e Ramës këtë herë erdhi brenda institucionit që ai drejton.

“Desha t’ju përshëndes dhe t’ua them vet se u bë kaq vite që punojmë sëbashku dhe punoni me përkushtim dhe pa orar. Besoj se keni merituar prej shumë kohësh në fakt, por mundësia për ta bërë të mundur është krijuar vetëm tani. E dini se sa shumë vështirësi na është dashur të kapërcejmë për të krijuar këtë bazë, për t’ju thënë tani se është koha për të bërë një rritje rrogash shumë domethënëse. Kam marrë këtu disa raste konkrete, duke përfituar dhe t’i shpreh mirënjohje disa prej jush që janë legjenda të këtij institucioni. Për pagën minimale, korrektimet do nisin nga lart poshtë. Ky ishte breaking neës i madh, tani me vrap te puna. Dhe kur thash me vrap, me vrap”, tha Rama.

Çfarë thonë ekspertët?

Ndërkohë ekspertët e kanë parë si të dyshimtë këtë premtim galopat të Kryeministrit Ramë.

Ekspertët kanë ngritur shqetësime se ndryshimet e shpeshta të pagës minimale, 6 herë në një dekadë, dy herë vetëm vitin e kaluar, e vënë biznesin në pozita të vështira, në një kohë krize kur inflacioni është mbi 7%.

Ekpertët thonë se ndryshimet e shpeshta bien ndesh me normat e vendosura në vendet e BE, sipas të cilave kjo pagë mund të ndryshojë 1 deri në 2 herë në 4 vite.

Ata nënvizojnë se kjo nisëm nuk është konsultuar me biznesin, Këshillin Kombëtar të Punës, dhe është e pastudiuar.

Analistët gjithashtu mendojnë se edhe ndryshimet e njoftuara nga qeveria në hierarkinë e pagave në sektorin publik, pak më shumë se një muaj para zgjedhjeve vendore, mund të ndikojnë në votën e qytetarëve.

Rritje e pagës minimale do të thotë një barrë e re financiare ndaj biznesit, për pagesat e sigurimeve shoqërore dhe shëndetësore për punonjësit.