Posta e mëngjesit/ Me 2 rreshta: Çfarë pati rëndësi dje në Shqipëri

Mirëmëngjes! “Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

Kush do jenë emrat e kabinetit qeverisës nëse PD vjen në pushtet? Lulzim Basha jep detajet: Do jenë figura që njihen publikisht

E lidhur: Replikoi live me Ramën, Basha tregon pse ndërhyri në emision me telefon: Kisha të vërtetën me vete.

Akuzat për inceneratorët, Rama i përgjigjet Bashës: Do apo s'do Lulëzimi, vendi do pastrohet nga plehrat! Po ashtu, kryeministri nuk ka kursyer ironinë ndaj Tabakut pas akuzave të saj ndaj Bashkisë së Tiranës. Në kundërpërgjgje, Basha e këshilloi të linte mënjanë viktimizimet dhe të tregonte ku i kishte çuar 70 mln eurot!

"Heshtja e SPAK, e pafalshme!", Basha thirrje Arben Krajës: Dil dhe fol publikisht për aferën e inceneratorëve ose do të mbash përgjegjësi; akuza qeverisë: Gjobëvënësa! Pas lëshimit të blindave, tani fshihen pas maskave

Prokuroi i Përgjithshëm, Olsian Çela gjatë një takimi me prokurorët e Korçës deklaroi se hetimi mbi krimin financiar në këtë rreth gjyqësor ka qenë i ulët. Çela i kritikoi duke theksuar rëndësinë e mirëfunksionimit të seksioneve të krijuara për hetimin e krimit financiar, pastrimit të produkteve të veprës penale si dhe konfiskimin e aseteve me origjinë kriminale.

"E ka mbushur kupën!", deputeti i PS kërkon izolimin e Metës: Nuk janë të nevojshme hetimet e BKH-së, do ta bëjë kushëriri im Olsian Çela

Vakanca në Kushtetuese, Meta i dërgon KED-së listën me 10 kandidatë, apel KLGJ-së: Vijoni punën

Pas zhvillimit të “Testit për Arsyetim Logjik” për përzgjedhjen e kandidatëve, BKH ka njoftuar se do të fillojë me fazën tjetër atë të “Testit të Aftësive Fizike”.Në njoftimin e nxjerre nga BKH, thuhet se ky test do të zhvillohet në ambientet e  Repartit special Renea, në Yzberisht për shkak të numrit të lartë të kandidatëve duke iu bëre thirrje të pajisen me maska, veshje sportive dhe pije freskuese.

Paga minimale tashmë do jetë 30 mijë lekë. Ky vendim u mor në mbledhjen e Këshillit Kombëtar të Punës, ku e pranishme ishte edhe ministrja e Financave, Anila Denaj.

Është ndarë nga jeta në moshën 85-vjeçare, shkrimtari, poeti dhe përkthyesi i njohur, Faslli Haliti. Lajmin për vdekjen e tij, e ka bërë të ditur Qendra Kombëtare e Librit dhe Leximit duke shkruar se ikja e Halitit është një humbje për poezinë shqiptare.

Kreu i VV, Albin Kurti kundër Donald Trump, thirrje për të votuar Joe Biden: Mbështetës i palëkundur i shqiptarëve në Ballkan