Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“X” me Letoninë ndez debate, kërkohet shkarkimi i Sylvinho-s

Politiko 11 Qershor 2025, 10:41

“X” me Letoninë ndez debate, kërkohet shkarkimi i

Kuqezinjtë zbritën dje në fushën e blertë të “Skonto Stadium” në Riga të Letonisë, për të marrë 3 pikëshin i cili do t’i jepte mundësinë kombëtares të paktën të kualifikohej në vendin e dytë të Grupit K.

Por 2 pikët e fituara në 2 ndeshjet e fundit e zbehin ëndrrën e shqiptarëve për të udhëtuar drejt Botërorit në fazën e play off-it.

12 goditje vetëm 3 nga të cilat në kuadrat. Një autogol i Cernomodijs në minutën 45+5 dhe një penallti e pritur nga Strakosha.

Kritikat në rrjet shpërthyen pas pjesës së parë kur të gjithë kërkonin një zëvendësim të menjëhershëm të Rey Manajt. Zëvendësimet e pritshme në qendër sulm, Sylvinho i bëri pas minutës së 80’ duke nxjerrë në fushë Dakun dhe Uzunin.

Opinioni sportiv ka kërkuar shkarkimin e menjëhershëm të trajnerit Sylvinho, i cili pas përfundimit të ndeshjes u shpreh i zhgënjyer për mënyrën se si u qasën lojtarët në fushë.

“Shumë të gabuar në pjesën e parë, në pjesën e dytë ekipi po shtynte para për të shënuar gol. E theksoj se nuk është formacioni, por qasja e lojtarëve që kanë në fushën e lojës. Qasja ishte e gabuar”, deklaroi ai.

Shumica e ekspertëve të sportit, ish-trajnerë, gazetarë sportivë dhe jo vetëm, e shohin të përfunduar epokën ‘Sylvinho’. Ata e gjejnë fajin tek trajneri duke vënë në dukje se kemi të bëjmë me një formacion të përkryer, me të cilin braziliani mund të kishte ‘eksperimentuar’ pa iu frikësuar skuadrës letoneze, që në letra e pa si një kundërshtar jo të fortë.

Për kreun e Federatës Shqiptare të Futbollit, Armand Duka, ëndrra për Botërorin vijon ende, edhe pse rezulati i fundit nuk na jep shpresa për një kualifikim. Në një reagim në Facebook Duka mori në mbrojtje veten e trajnerin duke rikujtuar fitoret e kuqezinjve.

“Kuptoj dhe mirëkuptoj sensitivitetin e çdokujt për ekipin tonë kombëtar dhe mbarëvajtjen e tij. Nuk arritem të merrnim fitoren, por gara vazhdon, kemi ende dhe një gjysme rruge përpara. Asgjë nuk është mbyllur dhe asgjë nuk ka mbaruar për asnje nga rivalët tanë. Natyrisht, ne na duhet të rikthehemi në shtator më të kthjellët dhe më me uri e grintë për të marrë maksimalen e për të bërë rezultat e fitore edhe aty ku askush tani nuk mund ta mendoje”, ka shkruar Duka.

Të fundit