Flash News

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

KRYESORE

Ndërtime në Zonat e Mbrojtura, Sazan Guri për Politiko: Nuk kishin ç’ti shisnin më Shqipërisë, e tera është me koncesion

Politiko 22 Shkurt 2024, 20:23

Ndërtime në Zonat e Mbrojtura, Sazan Guri për Politiko: Nuk

Kuvendi miratoi sot disa ndryshime në ligjin për “Zonat e Mbrojtura” të cilat i hapin rrugë ndërtimit të strukturave të hoteleri turizmit, apo dhe zhvillimit të aktiviteteve të tjera ekonomike, të konsideruara si investime strategjike.

Organizata të shumta dhe ekspertë të mjedisit i kanë kundërshtuar ndryshimet e propozuara pasi sipas tyre “vulosin përfundimisht fundin e sistemit të Zonave të Mbrojtura dhe biodiversitetit në Shqipëri dhe nuk vendosin asnjë kufi ndaj aktiviteteve shkatërruese të papërcaktuara”.

Ambientalisti Sazan Guri rendit për Politiko.al disa nga arsyet pse u miratua ky ligj.

Sipas tij, ndërtimet pranë Zonave të Mbrojtura do shiten me shtrenjtë për bizneset sepse ofrojnë kushte më të qeta dhe ajër më të pastër.

Po ashtu, sipas tij, mazhoranca e ndërmori këtë hap pasi nuk kanë çfarë t’i shesë më Shqipërisë, sepse e tera është me koncesion dhe vetëm Zonat e Mbrojtura kishin mbetur.

“Pasi vendosën HEC-e dhe vepra urbane pa fund brenda zonave te mbrojtura, duan t’i justifikojnë ato për aktivitet e sipër se do të ndërtojnë akoma vepra ndërtimore pranë dhe ligji i Zonave të Mbrojtura nuk te lejon, ndaj zvogëlojnë kufijtë e tyre.

E dyta, ato do shiten me shtrenjtë për bizneset, me korrupsion më të lartë sepse gjithsesi një Zonë e Mbrojtur ofron kushte më të qeta, ajër më të pastër.

Së treti, nuk kanë çfarë t’i shesin më Shqipërisë, sepse e tera është me koncesion dhe vetëm Zonat e Mbrojtura kishin mbetur.

Së fundmi, duke qenë nëpër gjyqe me shumë Zona të Mbrojtura, mendojnë se do ja hedhin, por krimi është bërë në fakt kur ato kishin kufijtë e djeshëm dhe kjo varet nga gjyqtari që ata e kanë të tyren, pra ata po pastrojnë dosjet”, deklaron Guri në Politiko.al.

Delegacioni i Bashkimit europian nga ana e tij ka shprehur shqetësim për mungesën e konsultimeve publike dhe të një procesi të parashikueshëm dhe transparent.

Qeveria ka këmbëngulur se ajo ka kryer konsultime të shumta publike. Por një letër e kreut të Delegacionit të Bashkimit europian në Tiranë, Silvio Gonzato, dërguar pak ditë më parë Komisionit parlamentar të aktiviteteve prodhuese, të cilën Zëri i Amerikës e ka lexuar, zbulon në fakt se konsultimet janë zhvilluar mbi një variant të mëparshëm, ndërkohë që popozimet e qeverisë, vlerësohen se “ndryshojnë ndjeshëm nga amendamentet fillestare që ishin në shqyrtim dhe për të cilat është konsultuar shoqëria civile”. Letra po ashtu i kujton parlamentit se sipas edhe raportit të BE-së për Shqipërinë “legjislacioni për investimet strategjike ngre shqetësime për mbrojtjen e biodiversitetit”./S.Gj