Gazetari Blendi Fevziu do të nisë sonte sezonin e 22-të të emisionit Opinion në TV Klan. Supozohej se ai do të trajtonte ndonjë teme politike, por gazetari ka njoftuar se do të diskutohet për rastin “Mihal Kokëdhima” dhe problemet e turizmit në Shqipëri.
Kokëdhima sulmoi disa turistë spanjollë të cilët u larguan të pakënaqur nga lokali i tij “Panorma”, ndërsa më vonë u mësua se mes spanjollëve ka qenë edhe biznesmeni Eugenio Galdon me mbi 300 milionë euro pasuri.
Kokëdhima është lënë në burg nga Gjykata e Apelit në Vlorë, ndërkohë që lokali i tij është prishur pasi rezultonte pa leje.
Financuar Nga Bashkimi Europian
