Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 9 Korrik 2020, 07:43

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■Hapje listash dhe ndalim koalicionesh, OSBE e PPE ‘rrëzojnë’ opozitën parlamentare: Shumë vonë për këto ndryshime, të votohet marrëveshja e 5 qershorit.

■Cilat janë porositë e Ramës për kryebashkiakët pas takimit në kryeministri: Harrojini pushimet, gjeni mënyrat për takime me njerëzit, pavarësisht pandemisë.

■Ndërsa Shqipëria prej javësh po përballet me një numër në rritje të të infektuarve, por edhe të viktimave, vendi vijon të jetë i fundit në rajon sa i takon numrit të testimeve, si në total, ashtu edhe për një milion banor. (Krahasimi i shifrave të 6 shteteve të Rajonit me tabelë)

Të lidhua: Dy viktima dhe 68 raste është bilanci i 24 orëve të fundit në vendin tonë. Sipas MSH, po rritet numri i pacientëve të intubuar në Infektiv, si dhe shtrimi i moshave të reja.

-Një muaj më parë, më 8 qershor, Instituti i Shëndetit Publik i është drejtuar me një shkresë zyrtare ministrisë së Shëndetësisë, ku i kërkon që testimi për COVID-19 të kryhet në laboratorë jashtë këtij institucioni, të cilët janë të certifikuar nga Instituti.

-Një mjek i urgjencës së Traumës është konfirmuar pozitiv me koronavirus. Para tij, edhe një infermier i Traumës u konfirmua pozitiv.

-Komiteti Teknik i Ekspertëve vendos mbajtjen me detyrim të maskave në ambiente publike, masë e re anti-Covid pas shtimit të rasteve të reja me koronavirus.

■Në hulumtimin e Auron Tares, edhe piktori i madh shqiptar, Ibrahim Kodra ishte agjent i mundshëm i Sigurimit Shqiptar.

E lidhur: Auron Tare u përgjigjet kritikëve: Nuk i gjykova Camajn dhe Koliqin, kam bërë vetëm një rrëfim me fakte.

■Nga Jair Bolsonaro, Boris Johnson e Michel Barnier...Cilët janë udhëheqësit dhe zyrtarët e lartë botërorë që u infektuan me Covid-19 në këto 8 muaj?

■ Prokuroria pushon çështjen penale për Gjergj Cukalin. “I forti” i “Myslym Shyrit” ishte i dyshuar për vrasjen e ish-policit Arben Bilali në janar të vitit 2019.

■ “Nuk ka zgjedhje në 30 korrik”, kështu ka deklaruar Rektori i Universitetit të Tiranës, Mynyr Koni përsa iu përket zgjedhjeve në Universitete.

■ Qeveria shqiptare do t'i paguajë Francesco Becchetti 99,5 milionë euro janë për shpronësimin dhe 311 mijë euro në pagesa që do të japen për shpenzimet administrative të procesit gjyqësor.

■ Ministri në detyrë Gent Cakaj ka shkarkuar të gjithë stafin e ambasadës shqiptare në Athinë, përfshirë ambasadoren Ardiana Hobdari. Cili është propozimi i MPEJ si ambasadore e re.

■ Gjykata e Apelit liron ish krye-bashkiakun e Vorës, Agim Kajmaku, i cili u arrestua ditën e djeshme pasi u paraqit në një spital për probleme shëndetësore pas 8 muajsh arrati.

■ Kancelarja gjermane Angela Merkel shpalosi përparësitë e presidencës së radhës të vendit në gjashtë muajt e ardhshëm, duke përmendur edhe negociatat me Maqedoninë e Veriut dhe Shqipërinë për çështjen e zgjerimit të BE, sipas agjencisë MIA në Bruksel.