Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

Ditari i Maxhorancës

Arrestimi i Belerit, Rama i përgjigjet Greqisë: Askush nuk mund të vendosë nën presion drejtësinë shqiptare

Politiko 16 Maj 2023, 08:17

All - Paragraf - 1

Arrestimi i Belerit, Rama i përgjigjet Greqisë: Askush nuk mund

Kryeministri Edi Rama i është përgjigjur për herë të parë deklaratave të Athinës zyrtare dhe kryeministrit grek Kyriakos Mitsotakis, lidhur me arrestimin e Fredi Belerit në Himarë.

All - Paragraf - 3

Nga konferenca për shtyp pas shpalljes së pjesës dërrmuese të rezultateve në zgjedhje, Rama tha se do të flasë për çështjen pas zgjedhjeve në Greqi. Ai u shpreh se askush nga jashtë nuk mund të vendosë nën presion dhe në pikëpyetje sistemin e drejtësisë në Shqipëri.

Rama tha se minoriteti grek nuk mund të jetë mish për top at elektoralë të askujt.

Rama: Sa i përket çështjes së Himarës dua të jem i qartë. Së pari dua të respektoj zgjedhjet në Greqi dhe të mirëkuptoj inflamimin e retorikës duke u përpjekur për sa më shumë urtësi dhe vetëpërmbajtje nga ana ime dhe nga ana jonë sepse kemi bërë një punë të jashtëzakonshme së bashku me qeverinë greke, me kryeministrin Mitsotakis, ministrin Dendias për të ngritur një urë të re të madhe, të gjerë e të fortë bashkëpunimi dhe për ta çuar në një nivel tjetër bashkëpunimin me dy vendeve tona.

Jam i vendosur të bëj maksimumin përpara se të jem i detyruar të reagoj proporcionalisht. Dua po ashtu me këtë rast të theksoj se institucionet e drejtësisë në Shqipëri mund të kenë të metat e tyre, problemet e tyre, por askush, që nga unë i pari që ju jeni dëshmitarë që nuk i kam kontestuar asnjëherë vendimet e tyre e jo më pastaj të tjerë, e lëre pastaj nga jashtë Shqipërisë të venë në pikëpyetje dhe nën presion rolin e tyre.

As nuk më ka shkuar mendja që të ngre zërin dhe t’i kërkoj prokurorisë, gjykatës të nxjerrë provat se kështu dua unë dhe kur dua unë. As nuk më ka shkuar mendja të ve në diskutim punën dhe rolin e tyre. As më shkon mendja ta bëj këtë gjë. Besoj që nuk ka asnjë mundësi ne të pajtohemi se ka një drejtësi tjetër për qytetarët e Republikës së Shqipërisë me kombësi shqiptare dhe ka një drejtësi tjetër për qytetarët e Shqipërisë me kombësi greke. Është e njëjta drejtësi, nuk janë dy drejtësi. E thashë, me të metat dhe me barrën e tyre. Kam dëgjuar shumë dhe praktikisht kam preferuar të mos flas dhe nuk do flas deri në mbarimin e zgjedhjeve në Greqi lidhur me këtë duke shpresuar se pas mbarimit të zgjedhjeve në Greqi do të ketë dialog dhe jo deklarata që kam dëgjuar të bëhen jo vetëm nga përfaqësues të qeverisë greke, por edhe nga parti politike të opozitës, parti simotra si Siriza apo PASOK-u. Keqardhje e madhe sepse unë besoj se minoriteti grek nuk është mish për topat elektoralë të askujt, as në Shqipëri dhe as në Greqi.