Flash News

Drenova prison police officer arrested for bringing drugs and illegal items into cell

Lavrov: NATO is risking self-destruction with new military budget

Kurti and Vučić "face off" tomorrow in Skopje

Construction worker dies after falling from scaffolding in Berat

The prosecution sends two Korça Municipality officials to trial

E-TJERA

Soreca zbardh takimin me Celibashin: Palët të pranojnë rezultatin e certifikuar nga KQZ, 50 ekipe të BE do të jenë në qendrat e votimit

Politiko 2021-04-22 18:37:00

Soreca zbardh takimin me Celibashin: Palët të pranojnë rezultatin

Ambasadori i BE-së në Shqipëri, Luigi Soreca ka zbardhur takimin e tij dhe ambasadores amerikane Yuri Kim me kreun e KQZ-së, Ilirjan Celibashi me fokus zgjedhjet e 25 prillit.

Përmes një postimi në rrjetet sociale, Soreca shkruan se i kanë theksuar rëndësinë e procesit të votimit dhe numërimit. Diplomati amerikan ka një thirrje dhe për partitë politike, ku iu kërkon që të gjitha palët të shmangin shpalljen e parakohshme të rezultateve të votimit dhe të pranojnë rezultatet e certifikuara nga KQZ, si dhe të shmangin dhunën dhe fjalës nxitëse në hapat e fundit të fushatës.

Në mesazhin e tij, ambasadori Soreca thekson se BE dhe shtete e saj anëtare do të jenë të pranishme ditën e zgjedhjeve me 50 ekipe të vendosura në qendrat e votimit në të gjithë Shqipërinë.

“Së bashku me Ambasadoren e Shteteve të Bashkuara të Amerikës Yuri Kim takuam sot Kryetarin e KQZ Ilirjan Celibashi për të vlerësuar përgatitjen e përgjithshme përpara zgjedhjeve të së dielës. Theksuam rëndësinë e ushtrimit të së drejtës së votës dhe integritetin e procesit të votimit dhe numërimit. Përsëritëm pritshmërinë tonë që të gjitha palët të shmangin shpalljen e parakohshme të rezultateve të votimit të së dielës dhe të pranojnë rezultatet e certifikuara nga KQZ. Përsërisim thirrjen tonë për përmbajtje dhe shmangie të dhunës dhe fjalës nxitëse në hapat e fundit të fushatës. #BE dhe shtetet e saj anëtare do të jenë të pranishme ditën e zgjedhjeve me 50 ekipe të vendosura në qendrat e votimit në të gjithë #Shqipërinë. #BE do të qëndrojë pranë popullit shqiptar ditën e zgjedhjeve”, shkruan ambasadori i BE-së,Luigi Soreca.

Latest news