Flash News

Drenova prison police officer arrested for bringing drugs and illegal items into cell

Lavrov: NATO is risking self-destruction with new military budget

Kurti and Vučić "face off" tomorrow in Skopje

Construction worker dies after falling from scaffolding in Berat

The prosecution sends two Korça Municipality officials to trial

E-TJERA

Tragjedia e 9 janarit/ Familjarët kërkojnë drejtësi para SPAK-ut: Policët ishin pjesë e bandës, gomonia u gjuajt me armë

Politiko 2021-12-07 11:44:36

Tragjedia e 9 janarit/ Familjarët kërkojnë drejtësi para

Tragjedia e 9 janarit të vitit 2004 u soll në vëmendje ditën e sotme, ku familjarë të disa viktimave kërkuan para SPAK-ut drejtësi për jetët e humbura. Përfaqësuesi i tyre Nikollë Mëhillaj hodhi akuza për Prokurorinë e Vlorës se ështe e korruptuar, ndërsa kërkoi nga SPAK që të nisë hetimet nga e para dhe të zbardhë ngjarjen.

Në emër të familjarëve të viktimave, ai tha se shteti nuk iu erdhi në ndihmë dhe i la të mbyteshin. Ai shtoi se nuk u dha ndihmë pasi në këtë ngjarje ishin të implikuar oficerë policie. Mëhillaj shtoi se nuk është bërë një operacion i mirëfilltë kërkim-shpëtimi, ndërsa kërkoi që përgjegjësit e asaj tyragjedie të dalin para drejtësisë.

“Ne jemi përfaqësues të shoqatës 9 janari, unë jam kryetari, përfaqësojmë shoqatën e 30 familjeve, ku na kanë vdekur 30 fëmijët tanë afër bregut në Vlorë. Ata njerëz kanë qenë një grup i strukturuar kriminal, që përbëhet nga policia e Vlorës. Josif Shtëmbari e ka bërë analizën e asaj policie dhe e ka cilësuar ata 30 oficerë, si pjesëtarë të bandës.

Ata i morën prej Shkodrës. E ndaluan gomonen në mes të detit dhe kanë gjuajtur me armë. Ne kërkojmë zbardhjen e çështjes. Kërkojmë hapjen e çështjes. Prokuroria e Vlorës është e korruptuar, se nuk janë hetuar ata që kanë bërë krimin. Është e vetmja tragjedi për arsye se nuk është dhënë ndihma. Është njoftuar shteti dhe kanë thënë "po vdesim këtu" dhe nuk u bë operacioni i kërkim-shpëtimit për të shpëtuar ata njerëz.

I lanë atje për t’u fundosur. Pas 18 orësh ka nisur kontrollet anija italiane. Ne na e mbyllën çështjen që mos të dilte ky grup kriminal. Ne i kërkojmë SPAK zbardhjen e çështjes, të vihen para drejtësisë kriminelët që na kanë vrarë fëmijët. I lanë 17 orë 13 km afër bregut. Ne kemi 8 vetë të zhdukur. Si kemi gjetur ende. Ja ky burrë këtu nuk e ka gjetur djalin e vetëm, si ka një varr”, tha Nikollë Mëhillaj.

Latest news