Flash News

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

KRYESORE

Me 2 rreshta/ Ngjarjet kryesore të ditës: çfarë pati rëndësi dje në Shqipëri

Politiko 3 Qershor 2020, 07:12

Politiko.al

Mirëmëngjes

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Rama për ‘Zgjedhoren’: Më vjen keq që në 2020-ën ka ambasadorë që hyjnë e dalin në seli partish për negociata. Sipas kryeministrit, problemi qëndron te palët që mendojnë se me ligjin e reformës fitohen zgjedhjet.

Basha: Opozita është e angazhuar, po kontribuon për ta përmbyllur reformën

■ Publikoi videon e nënës së të miturit të dhunuar nga policia, Rama në krah Ardi Veliut: Gaboi, por i besoj atij dhe jo moralistëve

■ Shefi i policisë së Houston, Art Acevedo ka reaguar pas deklaratës së presidentit të SHBA, Donald Trump, i cili tha se do të mobilizojë mijëra ushtarë për të rikthyer paqen nëse guvernatorët nuk e përdorin Gardën Kombëtare për t’i dhënë fund protestave të dhunshme: Nëse nuk ka diçka konstruktive për të thëne, më mirë le të mbajë gojën mbyllur.

■ 6 drejtorë në nëntë muaj/ Largohet nga detyra drejtoresha e re e Kadastrës në Vlorë, pak ditë pas emërimit; PD: Një qeveri-bandë lufton me një bandë tjetër për bregdetin

■ Partia Demokratike ka depozituar sot në SPAK disa kallëzime penale në lidhje me shembjen e Teatrit Kombëtar.

Në një deklaratë për mediat, ish deputetja demokrate Albana Vokshi njoftoi se është kërkuar ndjekje penale për kryeministrin Edi Rama, kryebashkiakun Erion Veliaj, nënkryetarin Arbian Mazniku, dhe emra zyrtarësh të tjerë.

■ Ka përfunduar mbledhja e anëtarëve të Këshillit Politik me ambasadorët e SHBA, BE dhe Britanisë së Madhe për Reformën Zgjedhore. Në fjalën e saj në përfundim të takimit ambasadorja amerikane Yuri Kim pas 9 orësh dialogu konstruktiv është për progres.

Sipas ambasadores, palëve politike iu është kërkuar “të bëjnë lëshime me qëllim që të fitoj Shqipëria”. Nëse ato nuk e arrijnë konsensusin për çështje përtej rekomandimeve të ODIHR, atëherë duhet të heqin dorë nga këto kërkesa.

■ Takimi për Zgjedhoren, Soreca dhe ambasadori britanik në të njëjtën linjë: Sot u bë punë e mire, të mos e shpërdorojmë për të mirën e shqiptarëve.

■ Deputetja Rudina Hajdari dhe njëkohësisht përfaqësuese e opozitës parlamentare në Këshillin Politik për reformën zgjedhore është shprehur se palët politike kanë rënë dakord pas takimit të sotëm për identifikimin biometrik.

E ftuar në “Opinion”, Hajdari theksoi se identifikimi biometrik do të kryhet në të gjithë vendin, ndërsa pika për të cilën nuk po arrihet kompromis është ajo e administratës zgjedhore.

■ Përfaqësuesja e opozitës parlamentare, Rudina Hajdari, ka hedhur dritë në diskutimet e kryera gjatë ditës së sotme në tryezën e Këshillit Politik për Reformën Zgjedhore. Ndërsa ka një dakordësi për identifikimin biometrik dhe opozita ka hequr dorë nga propozimi i saj për qeveri kujdestare 100 ditë para zgjedhjeve, Hajdari- po ashtu- zbulon se çfarë po ndodh me propozimin për ndryshimin e sistemit zgjedhor.