Mirëmëngjes!
“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]
■ Zyra e kryeministrit të Greqisë ka zbardhur takimin me homologun shqiptar Rama. Në deklaratë thuhet se të dy kryeministrat patën mundësinë për të diskutuar perspektivën evropiane të Shqipërisë, të cilën Greqia e ka mbështetur.
Të lidhura:
- Kryeministri Edi Rama dhe ish-ministrja e jashtme greke Dora Bakojanis gjatë eventit të organizuar nga “The Economist” janë përplasur për marrëveshjen e kufirit detar të nënshkruar në 2009.
- Në konferencën e The Economist me temë “Ballkani Perëndimor përtej 2020-s”, kryeministri Rama ka theksuar se Shqipëria nuk ka alternativë tjetër më të mirë se BE. Rama u shpreh se kur Shqipëria nuk ishte në formë të mirë, ata nuk uleshin në tryezë, tani që jemi në formë të mirë ne janë ata në formë të keqe.
- Kryeministri Rama sa i takon zgjerimit të Greqisë me 12 milje në detin Jon ka theksuar se kjo çështje duhet të zgjidhet me palë të tretë. Rama “Çështje të kaluara janë kthyer në patate të nxehta. Çështja e detit nuk mund të përdoret nga patriotët. Marrëveshja e detit u hodh poshtë nga Gjykata Kushtetuese në vitin 2009”, tha Rama.
- Rama garanton grekët në Athinë: Erdogan nuk ka ndjenja kundër grekëve, jam krenar që jam miku i tij.
■ Naftëtarët e Ballshit do të mbildhen sot në një tubim para Ministrisë së Infrastrukturës dhe Energjitikës. Ata deklarojnë se kanë 20 paga pa marrë dhe se kanë vendosur ta përshkallëzojnë protestën te Ministria e Energjisë, Parlamenti, Kryeministria.
■ Komisioneri për Zgjerimin në Bashkimin Europian Oliver Varhelyi ka deklaruar se e ardhmja e Ballkanit Perëndimor është në BE, pasi ndajmë të njëjtin histori dhe fat. Varhelyi tha se Komisioni Europian së shpejti do të parqesë paketën e rimëkëmbjes ekonomike për rajonin.
■ “Liga Profesioniste e Futbollit” i është përgjigjur të autorizuarit nga qeveria për të negociuar me ta Fidel Yllit dhe ministres së Ekonomisë, Anila Denaj, duke thënë se priste një qëndrim më mbështetës për kërkesat, të cilat sipas saj janë premtime të bëra nga kryeministri Edi Rama përpara 18 muajsh.
■ Kryetari i Forumit Rinor të Partisë Demokratike Belind Këlliçi dhe ish-deputeti Endri Hasa kanë rezultuar pozitiv me COVID-19. Ata të dy ndodhet të karantinuar në banesat e tyre. Testit i është nënshtruar dhe drejtues të PD-së duke përfshirë dhe kryetarin Lulzim Basha.
■ Janë zbardhur emrat e kandidatëve për anëtarë të Komisionit Qëndror të Zgjedhjeve. Deri tani kanë aplikuar 25 persona për 12 vende vakante, ndërkohë që procesi i aplikimit përfundon pas dy ditësh, më 18 shtator.
■ Zyra e OSBE-ODIHR në Varshavë është shprehur e gatshme të vazhdojë të mbështesë Këshillin Politik dhe të shohë detajet sesi mund të ofrojë ndihmë konkrete, lidhur me përplasjen mes palëve për formulën e koalicioneve parazgjedhore dhe mënyrën e hapjes së listave.
■ Këshilli i Emërimeve në Drejtësi ka lejuar vetëm Altin Binajn për të vijuar më tej me procedurat e kandidimit, për vakancën e shpallur nga presidenti Ilir Meta sa i përket ngritjes së Gjykatës Kushtetuese.
■ Shpallet kompania fituese për për ndërtimin e tunelit të Llogarasë.
■ 3 viktima 144 të prekur me covid-19 në 24 orë, mes tyre edhe mjeku nga Kavaja, Sefer Dervishi.
Financuar Nga Bashkimi Europian
