Flash News

Bardhi reagon pas shoqërimit të kandidatit të PD: Nuk intimidohemi nga bandat dhe shkelja brutale e ligjit

Policia shoqëron kandidatin e PD në Fier, Bardhi dhe Baçi shkojnë në komisariat

Gjendet i vdekur një 37-vjeçar në Portin e Shëngjinit

Bledjon Nallbati reagon pas incidentit në Korçë: Nuk ka patur dhunë, ngjarja u përdor për qëllime politike

Arti në zi! Ndahet nga jeta aktori dhe regjisori i njohur Eduart Çala

KRYESORE

Speciale/ 1991-2017: Lista e 24 deputetëve që humbën imunitetin dhe pse. Nga Fatos Nano te Azemi, Berisha dhe Koço Kokëdhima

Politiko 29 Tetor 2017, 19:20
Speciale/ 1991-2017: Lista e 24 deputetëve që humbën imunitetin

Imuniteti i deputetëve dhe zyrtarëve të lartë është bërë çështja kryesore e replikave dhe debateve të shumta midis palëve që prej një shekulli, kur lindi parlamentarizmi në Shqipëri. Pati disa raste të heqjes së imunitetit të deputetëve gjatë periudhës së Mbretit Zog. Po ashtu, edhe pas Luftës, nga viti 1945 – 1990, për shkak të ashpërisimit të luftës politike, brenda llojit, e 'luftës së klasave', u hoqën disa imunitete e më pas edhe mandate deputetësh, që shkuan deri në burgime dhe ekzekutime. 

Heqjet e para të imunitetit e më pas mandatit, pati  që në vitin 1946, që çuan në ekzekutimin e deputëve të Kuvendit, 70-vjetori i të cilëve u shënua para pak ditësh. Shumë zyrtarë të lartë që u shpallën armiq, ishin deputetë që përfunduan pas hekurave apo edhe u ekzekutuan. Por më parë atyre iu hoq imuniteti.

Ka një konfuzion mes heqjes së imunitetit dhe mandatit. Disa deputetëve iu hoq mandati, disa të tjerëve vetëm imuniteti. Por, në tre - katër raste edhe imuniteti nuk u aprovua nga Parlamenti. Kemi edhe raste kur imuniteti është dorëzuar vullnetarisht nga deputeti.

Historia e parlamentrizimit pluralist nis në vitin 1991 dhe në këto 27 vjet janë dhjetra imunitete të hequra. Imunitetet e para u hoqën në vitin 1991.

 

  1. ADIL ÇARÇANI

Të parit që iu hoq imuniteti, në erën e re pluraliste, ishte ish-kryeministri Adil Çarçani, i cili hapi edhe të parin parlament të pas diktaturës. I zgjedhur deputet i PPSH-së në Gjirokastër, ai u  akluzua si 'bllokmen' dhe iu hoq imuniteti për të përfunduar më pas në qeli, pas hekurave të burgut.

  1. SHANE KORBECI

Ish-deputeti i PPSH-së i zgjedhur në Tiranë, dhe njëherësh ish-ministër i qeverisë së Adil Çarçani, Shane Korbecit, iu hoq imuniteti në 1991, për të njëjtat arsye si A. Çarçanit. Ai u burgos me disa ish-funksionarë të tjerë të regjimit komunist, përfshi ish-presidentin R.Alia dhe të venë e diktatorit, N. Hoxha.

  1. AZEM HAJDARI

Deputetit Azem Hajdari iu hoq për herë të parë imuniteti në vitin 1992,  pas një incidenti  ku ai goditi, ish-shefin e administratës të PD-së.

  1. ILIR META

Ilir Meta më 23 tetor të vitit 1992 ishte vetëm 22 vjeç, kur iu hoq imuniteti. Akuza e ngritur ndaj tij ishte “nxitje e revoltave” në Poliçan gjatë vitit ’92. U tentua heqja e mandatit, por ky vendim hidhet poshtë nga Gjykata Kushtetuese, më 22 dhjetor 1992.

  1. FATOS NANO

Pas Metës humbi imunitetin edhe ish-lideri historik i së majtës, Fatos Nano. Më 27 korrik 1993, Prokuroria e akuzonte për disa krime dhe sidomos për përvetësim në favor të të tretëve. Kallëzimi kundër Fatos Nanos erdhi nga Kontrolli i Lartë i Shtetit i asaj kohe dhe menjëherë pas heqjes së imunitetit nisi hetimi. Në vitin 1995 iu kërkua Gjykatës së Kasacionit rigjykimi i vendimit gjyqësor.

  1. ARBEN LIKA

Në vitin 1994 i është hequr imuniteti dhe më pas mandati i deputetit të PD-së Arben Lika, i akuzuar për korrupsion dhe shpërdorim detyre si dhe i dënuar me burg, por në vitin 1997 fitoi lirinë.

  1. GAFUR MAZREKU

Më 18 shtator 1997 Kuvendi i Shqipërisë i heq imunitetin deputetit Gafur Mazreku, me kërkesë të Prokurorit të Përgjithshëm. Kjo, pasi, deputeti Mazreku sulmoi me armë dhe plagosi deputetin Azem Hajdari. Kuvendi, pasi miratoi heqjen e imunitetit të deputetit Gafur Mazreku, dha pëlqimin për ndjekje penale dhe arrestimin e tij.

  1. AZEM HAJDARI

Më 25 shkurt 1998, Kuvendi i hoqi imunitetin Azem Hajdarit, deputetit të Partisë Demokratike, pas kërkesës së Prokurorit të Përgjithshëm për hetime të mëtejshme. Gjithçka nisi pas incidentit në Mamurras, kur njerëz pranë deputetit thuhet se nuk iu bindën forcave të Policisë. Prokuroria e ka akuzuar deputetin e PD-së për "nxitje të akteve të dhunshme dhe fyerje të policisë", ndërsa Partia Socialiste, që kishte shumicën në Parlament, si "kryesues të bandës së armatosur, që nuk i është bindur postblloqeve të forcave të rendit".

  1. SALI BERISHA

 Ish-presidentit Sali Berisha i është hequr imuniteti për ngjarjet e 14 shtatorit, por ndaj tij nuk u mor asnjë masë dhe çështja u pushua.

  1. GENC RULI, REXHEP UKA

Edhe për dy deputetët Rexhep Uka dhe Genc Ruli, gjatë mandatit të parë të PD-së është kërkuar heqja e imunitetit për aferën e “Drurit të arrës”. Pavarësisht se kërkohej me ngulm dënimi i tyre nga Berisha, një pjesë e deputetëve të PD-së, me të cilët bashkuan votat dhe deputetët e PS në opozitë në atë kohë, nuk e votuan heqjen e imunitetit për dy kolegët e tyre.

  1. NIKOLLE LESI

U kërkua heqja e imunteitit të deputetit Lesi, në vitin 2004, pasi akuzohej për nxjerrje të sekretit shtetëror, por nuk u pranua nga Kuvendi, që votoi kundër.

  1. LULZIM BASHA

Deputeti Basha e dorëzoi me vullnetin e tij mandatin në vitin 2007, pasi akuzohej për abuzim me detyrën dhe korrupsion. Basha u shpall i pafajshëm.

  1. FATMIR MEDIU:

Iu hoq imuniteti në vitin 2008, për t’u hetuar për shpërthimin e qendrës së çmontimit të fishekëve në Gërdec, ku vdiqën 26 persona dhe u plagosën dhjetra të tjerë. Mediu mbante postin e ministrit të Mbrojtjes.

  1. HAJRULLA PATURI: Iu hoq imuniteti në vitin 2008 për akte dhune në një ndeshje futboll

  2. ANDIS HARASANI: Iu hoq imuniteti i deputetit në vitin 2008, pasi akuzohej për dhunë ndaj Gardës.

  3. NIKOLLAQ NERNXI: Humbi imunitetin në vitin 2008 për shkak të akuzave për korrupsion dhe evazion fiskal.

  4. ILIR BEQJA: Deputeti i PS humbi imunitetin e më pas edhe mandatin në vitin 2011, pasi akuzohej se kishte shkelur Kushtetutën.

  5. DRITAN PRIFTI: Ish-deputetit të ndjerë iu hoq imuniteti në vitin 2011 për skandalin e përgjimeve. Ai akuzohej për shpërdorim detyre.

  6. TOM DOSHI: Ish deputetit të PS iu hoq mandati në vitin 2012, pasi akuzohej për ngjarjet e 21 janarit.

  7. TAULANT BALLA: Deputetit të PS iu hoq imuniteti po në vitin 2012 për çështjen e 21 janarit.

  8. BESNIK BARE: Iu hoq mandati në vitin 2012 për çështjen e 21 janarit, po u pushua çështja për tejkalim afatesh.

  9. MARK FRROKU: Frroku e dorëzoi imunitetin e deputetit në vitin 2015, pasi sipas kërkesës së opozitës mungesa e deputetit pa arsye mbi 6 muaj bie ndesh me Kushtetutën. Frroku paralajmëroi më herët lënien e mandatit.

  10. KOCO KOKEDHIMA: Ish-deputetit të PS iu hoqa imuniteti e më pas mandati në vitin 2016, pasi u akuzua se ka shkelur Kushtetutën duke përfituar fonde.

  11. SAIMIR TAHIRI: Mazhoranca (tetor 2017) me 75 vota nuk pranoi t’i hiqej imuniteti deputetit socialist Saimir Tahiri, pas kërkesës së Prokurorisë, për hetim mbi shpërdorimin e detyrës dhe përfshirje të tij në bandat e organizuara kriminale.

 

Të fundit