Flash News

Pogradec, elektricisti humb jetën pasi ra në kontakt me rrymën elektrike (Emri)

Aksident i trefishtë në aksin Peqin-Elbasan, plagosen dy persona

Temperaturat e larta rrisin rastet e virozave, shtohet fluksi në urgjencat pediatrike

Posta e mëngjesit/ Me 2 rreshta: Çfarë pati rëndësi dje në Shqipëri

Ish-ministri socialist shpall kandidaturën për Bashkinë e Vlorës

KRYESORE

Teatri Kombëtar / Ministrja e Kulturës kundër Ramës dhe Veliajt: Godina të restaurohet

Politiko 31 March 2019, 19:00
Teatri Kombëtar / Ministrja e Kulturës kundër Ramës dhe

Ministrja e re e Kulturës, Elva Margariti nuk është në të njëjtën linjë me kryeministrin Edi Rama dhe kryebashkiakun Erion Veliaj për çështjen e ‘Teatrit Kombëtar’. Në një prononcim për Report TV, ajo kërkon hapjen e dëgjesave publike për të vendosur nëse godina duhet t’i nënshtrohet restaurimit të vëllimeve me materiale të reja (falso storico – falsifikim historik) apo me të njëjtat materiale (restaurim konservativ).

Diplomuar dhe specializuar në Firence për restaurimin dhe rijetëzimin e objekteve të trashëgimisë kulturore, Margariti anon më shumë nga restaurimi konservativ, pra rikthimi në gjendjen e mëparshme të Teatrit Kombëtar, duke përdorur të njëjtat materiale.

“Nuk është një aspekt i arkitekturës, se të flasësh vetëm për arkitekturën e teatrit është që ta minimizosh shumë. Përsa është folur për restaurimin e kam thënë edhe vazhdoj që ta them se janë dy filozofi, që ndjekë shkolla e restaurimit, që është ajo e restaurimeve të vëllimeve, apo e restaurimit konservativ të vlerës së vërtetë të një godine. Edhe në rastin konkret të teatrit tonë, vlera e shtuar e atij teatri kanë qenë materialet e përdorura në ndërtimin e tij, edhe deri diku fakti që nuk pritej që t’i rezistonin kohës deri tani, jo se i kanë mirërezistuar, por mund që të ishin degraduar shumë kohë më parë.

Kjo është ajo çfarë mendoj unë, si arkitekte. Të mirëkuptosh se çfarë do të thotë fjala restaurim. Nëse do të restauronim thjesht vëllimin, nuk i kemi dhënë asnjë gjë, asnjë vlerë të shtuar atij teatri. Nëse do të ndryshojmë materialin ne do të bëjmë atë, që në shkollë e quanim falso historico. Pra le të hapim një polemikë edhe të themi: 'Duam që të bëjmë diçka fals apo diçka reale?'”, nënvizon ajo.

Qeveria kërkon ndërtimin e një objekti të ri të rrethuar me 6 kulla biznesi nga kompania Fusha Sh.P.K. Megjithatë, projekti ka hasur në kundërshtimin e fortë të artistëve, që protesojnë prej një viti, aq sa kanë paralajmëruar se neve mazhoranca vendos shembjen e tij, do ngujohen brenda godinës.

Mbetet të shihet nëse Margariti do të vijojë t'i qëndroj mendimit të saj, apo do të tërhiqet në momentin e fundit.

https://www.youtube.com/watch?v=WTcqLz3A8uk

Të fundit