Flash News

"The Atlantic": Protestat nuk janë kundër Trump, shënjestra është Edi Rama

Stuhi e fortë e breshër, Elbasani përfshihet nga moti i keq

Gjyqi kundër prokurorit që e hetoi, 'Administrativja' rrëzon padinë e Veliajt

Vdes foshnja 7-muajshe gjatë rrugës për në spital, nën hetim dy pediatër në Gjirokastër

Vila, makina luksi, llogari bankare me vlerë 1.8 mln, prokuroria e Fierit konfiskon pasurinë e Arbër Muçës

E-TJERA

Gaz lotsjellës ndaj nënës me fëmijën autik, Organizatat e Personave me Aftësi të Kufizuara: Institucionet të sqarojnë ngjarjen

Politiko 24 July 2026, 15:04

Pamjet e një nëne me djalin e saj autik në protestën e së enjtes, teksa u sulmuan me gaz lotjsellës dhe ujë me piper, u bënë virale dhe u kritikuan gjerësisht në rrjet.

Rrjeti i Organizatave të Personave me Aftësi të Kufizuara ka reaguar me shqetësim për pamjet duke iu bërë thirrje institucioneve të sqarojnë rrethanat e ngjarjes.

Rrjeti thekson në deklaratë se personat me aftësi të veccanta përjetojnë pasoja të rënda nga sulme të tilla, si ato në protestën para Kuvendit.

DEKLARATA:

Deklaratë publike mbi dhunën ndaj djalit me autizëm në protestën e 23 korrikut para Parlamentit nga Rrjeti i Organizatave të Personave me Aftësi të Kufizuara

Shprehim shqetësimin tonë të thellë për ngjarjen e ndodhur gjatë protestës së sotme, ku një nënë dhe djali i saj me aftësi të kufizuara u ekspozuan siç kuptojme dhe nga video ndaj spërkatjes me spraj me piper dhe u vunë në një situatë që rrezikoi shëndetin dhe sigurinë e tyre.

U bëjmë thirrje institucioneve përgjegjëse që të sqarojnë plotësisht rrethanat e kësaj ngjarjeje dhe të garantojnë që në çdo ndërhyrje të respektohen të drejtat e njeriut, parimi i proporcionalitetit dhe mbrojtja e grupeve më të cenueshme.

Personat me aftësi të kufizuara, veçanërisht ata me autizëm ose me ndjeshmëri shqisore, mund të përjetojnë pasoja shumë më të rënda fizike dhe emocionale nga përdorimi i mjeteve të tilla.

Ky rast rikujton nevojën që strukturat përgjegjëse për rendin dhe sigurinë të jenë të trajnuara për të identifikuar dhe mbrojtur personat me aftësi të kufizuara në situata të tilla, duke marrë masa për të shmangur çdo veprim që mund të rrezikojë shëndetin, sigurinë apo jetën e tyre.

Ndërkohë, kjo gjyshe dhe ky djalë jetim jetojnë në kushte mjerimi të varfërisë dhe pa akses në shërbimet e duhura.

Të fundit