Flash News

Dëmtohet nga helikat e skafit pushuesi në Vlorë

Video/ Protestuesit 'lajnë' me vezë makinën e deputetit të PS

Zjarri vijon të përhapet në fshatrat e Finiqit, lëndohet zjarrfikësi

Momenti kur Bardhi hedh ujë ndaj Ramës, Peleshi e përjashton nga Kuvendi

BE i kërkon shfuqizimin, qeveria i hap rrugën privatizimit të zonave të mbrojtura

SPORT

Mbi 23 milionë firma për përjashtimin e Argjentinës nga Kupa e Botës, peticioni bëhet viral

Politiko 23 July 2026, 20:35

image (1).webp

Një peticion online që kërkon përjashtimin e përhershëm të Argjentinës nga Kupa e Botës ka marrë përmasa të jashtëzakonshme, duke mbledhur më shumë se 23 milionë nënshkrime nga rreth 170 vende të botës.

Fushata me titull “Argentina Out” u lançua gjatë Botërorit 2026 dhe u bë një nga peticionet më të mëdha në historinë e platformave online, duke tejkaluar ndjeshëm objektivin fillestar prej 5 milionë firmash.

Nismëtarët e saj akuzuan FIFA-n dhe gjyqtarët për favorizim të Argjentinës dhe kapitenit të saj, Lionel Messit, duke pretenduar se rezultatet e skuadrës ishin ndikuar nga vendimmarrjet arbitrare.

“Pse duhet që skuadrat e tjera të luajnë në turne nëse fituesi dihet paraprakisht? Përjashtojeni Argjentinën nga Kupa e Botës dhe jepuni të gjithëve një mundësi të barabartë”, thuhej në tekstin e peticionit.

Megjithatë, Argjentina nuk arriti të triumfonte në Botërorin 2026, pasi u mposht në finale nga Spanja me rezultatin 1-0. Gjatë rrugëtimit të saj në turne, skuadra argjentinase u përball me polemika të shumta për vendimet e gjykimit, veçanërisht në përballjen ndaj Egjiptit në fazën me eliminim direkt.

Pavarësisht numrit rekord të mbështetësve, peticioni nuk pati asnjë ndikim në vendimet e FIFA-s. Organizatorët pretenduan se institucioni i futbollit botëror e injoroi kërkesën, ndërsa pas humbjes së Argjentinës në finale e mbyllën fushatën me mesazhin: “FIFA na injoroi, por Spanja e mbajti premtimin... faleminderit Spanjë”.

Sipas raportimeve, peticioni iu afrua edhe rekordit botëror për numrin më të madh të nënshkrimeve në një fushatë online, rekord që aktualisht mbahet nga iniciativa “Jubilee 2000”, e cila mblodhi mbi 24 milionë firma për faljen e borxheve të vendeve të varfra.

Të fundit