Flash News

Video/ Protestuesit 'lajnë' me vezë makinën e deputetit të PS

Zjarri vijon të përhapet në fshatrat e Finiqit, lëndohet zjarrfikësi

Momenti kur Bardhi hedh ujë ndaj Ramës, Peleshi e përjashton nga Kuvendi

BE i kërkon shfuqizimin, qeveria i hap rrugën privatizimit të zonave të mbrojtura

Gaz lotsjellës dhe piper, 17 persona përfundojnë në spital

Ditari i Opozitës

Berisha: Rama erdhi në Kuvend vetëm për të marrë në dorë reformën territoriale, varrosi një vit punë

Politiko 23 July 2026, 16:52

1784816995_berisha.png

Kryetari i Partisë Demokratike, Sali Berisha, akuzoi kryeministrin Edi Rama se ndërhyri në seancën plenare për të bllokuar reformën territoriale, duke pretenduar se qëllimi i tij është manipulimi i zgjedhjeve përmes ndryshimeve në hartën administrative.

Në një deklaratë për mediat pas përfundimit të seancës, Berisha tha se është "varrosur" një proces njëvjeçar, i mbështetur edhe nga partnerët ndërkombëtarë, ndërsa hodhi akuza të forta edhe për mënyrën se si, sipas tij, u trajtuan protestuesit jashtë Kuvendit.

Berisha: Sot në këtë parlament, krimi, në këtë parlament që nuk përfaqëson qytetarët shqiptarë, por përfaqëson kartelet e drogës dhe qeveritarët më hajdutë të Evropës dhe më gjerë. 
Protestuesit paqësorë u shpallën terroristë. 
Në këtë parlament sot, Edi Rama groposi reformën territoriale. Dhe reformën de facto, të një rëndësie të jashtëzakonshme për qytetarët shqiptarë. 
Varrosi një punë njëvjeçare serioze, të mbështetur fuqimisht nga komuniteti ndërkombëtar edhe financiarisht, edhe nga buxheti i shtetit. 
Varrosi sepse do me çdo kusht, jo një reformë në interes të qytetarëve, por një reformë në interes të manipulimit të zgjedhjeve dhe rrëmbimit të votave me çdo kusht. 
Por cilido që, ju lutem shumë, shihni pak kamerat, shihni pak si të mirat. Ai ishte sot me gjithë këto veprime, ishte i pakallur. Meit i pakallur. 
Çka do të thotë, këto janë përpëlitjet e fundit të një njeriu që do të përfundojë në galerat më të errëta të historisë. Edi Rama nuk shpëton më. 
Erdhi vetëm e vetëm për të varrosur, për të marrë në dorë reformën territoriale, të marrë në dorë sterrin që ka ndaj votës së shqiptarëve. 
Dhe tashmë nuk i mbetet gjë tjetër, veçse revolta paqësore e të gjitha bashkive, me të cilat ai në hartën e tij do t'i zhdukë nga faqja e dheut dhe të tjerave që përpiqet të ndikojë në rekordin elektoral. 
Së fundi, dënojmë dhe një herë sjelljet shtazarake ndaj protestuesve. Ju e patë se si dhjetëra protestues u sulmuan egërsisht me mjete të rënda djegëse, të papërdorura ndonjëherë. 
Dhjetëra, dhjetëra prej tyre përfunduan në spitale, të lënduar dhe të dëmtuar rëndë siç e patë ju të hiqen nga ambulancat. Po ndjekim me shqetësim shumë të madh situatën e tyre. 
Përveç kësaj, shtoj se ka disa protestues që kanë qenë eksponentë kryesorë, të cilët kanë heshtur. 
Nuk duken më. Zërat janë se ndaj tyre janë ushtruar presione të jashtëzakonshme dhe kërcënime të mëdha. 
Pra, për të gjitha këto, dënojmë me forcën më të madhe qëndrimin e Edi Ramës dhe narkomazhorancës ndaj protestuesve paqësorë. 
Faleminderit.

Të fundit