Flash News

Dëmtohet nga helikat e skafit pushuesi në Vlorë

Video/ Protestuesit 'lajnë' me vezë makinën e deputetit të PS

Zjarri vijon të përhapet në fshatrat e Finiqit, lëndohet zjarrfikësi

Momenti kur Bardhi hedh ujë ndaj Ramës, Peleshi e përjashton nga Kuvendi

BE i kërkon shfuqizimin, qeveria i hap rrugën privatizimit të zonave të mbrojtura

E-TJERA

Aktivistja: Policët që mbrojnë Ramën dhe Ballukun kishin marrë urdhër për të na qëlluar

Politiko 23 July 2026, 20:57

1782413240_sidorelaPicsartAiImageEnhancer.jpg

Aktivistja Sidorela Vatnikaj ka reaguar pas përplasjeve gjatë protestës së sotme para Parlamentit, duke akuzuar Policinë e Shtetit për përdorim të forcës ndaj qytetarëve.

Duke folur në protestën e rradhes para kryeministrisë, Vatnikaj tha se në protestë janë përfshirë edhe persona vulnerabël, përfshirë fëmijë dhe të moshuar, ndërsa disa protestues, sipas saj, kanë përfunduar në spitale ose komisariate pas ndërhyrjes së policisë.

“Pavarësisht se prej 54 ditësh po protestojmë në mënyrë paqësore, sot jemi përballur me një dhunë të paprecedentë, të pajustifikueshme nga ajo që ne e quajmë Polici e Shtetit. Sot, fëmijë, të moshuar dhe njerëz me probleme shëndetësore janë përballur me gazin lotsjellës, me dhunën e policisë dhe me ujin me piper”, deklaroi Vatnikaj.

Aktivistja Pavarësisht se prej 54 ditësh po protestojmë në mënyrë paqësore, sot jemi përballur me një dhunë të paprecedentë, të pajustifikueshme nga ajo që ne e quajmë Polici e Shtetit. Sot, fëmijë, të moshuar, fëmijë të tjerë, njerëz që kanë probleme shëndetësore, janë përballur me gazin lotsjellës, me dhunën e policisë, me ujin me piper dhe dhjetëra prej tyre gjenden ose në spital, ose në komisariate.


Sot, përballë nuk kemi pasur, ne themi, një polici që është me ne. Sot kemi pasur përballë gjuhën e zgjatur kriminale të Taulant Ballës, të Ulsi Manjës, të Edi Ramës dhe dorën e zgjatur të krimit në Parlament.

Ne e dimë që dhuna juaj nuk na mërzit dhe, kur na shantazhoni familjarët tanë, nuk na kërcënoni. Por, siç kemi pasur ne në fytyrën e shokëve tanë të arrestuar, ju themi se nuk ju kemi frikë. Nuk ju kemi frikë.

Sot, si asnjëherë më parë, kemi parë policë që fshihen për të mos kapur kriminelët. Ata policë që mbrojnë sot Edi Ramën dhe Belinda Ballukun kishin marrë urdhër që të na gjuanin, që të na rrihnin dhe të na arrestonin.

Megjithatë, sot Policia e Shtetit duhet ta shohë se sa më shumë dhunë të ushtroni ju, aq më shumë numra ka në shesh. Sa më shumë na rrihni, aq më shumë shtohet rezistenca jonë. Sa më shumë gaz të hidhni, aq më shumë solidaritet ka mes nesh.

 
Prandaj, për këdo që mendon se i ka frikësuar aktivistët apo familjarët, ju themi se nuk ju kemi frikë.

 

Të fundit