Flash News

Stuhi e fortë e breshër, Elbasani përfshihet nga moti i keq

Gjyqi kundër prokurorit që e hetoi, 'Administrativja' rrëzon padinë e Veliajt

Vdes foshnja 7-muajshe gjatë rrugës për në spital, nën hetim dy pediatër në Gjirokastër

Vila, makina luksi, llogari bankare me vlerë 1.8 mln, prokuroria e Fierit konfiskon pasurinë e Arbër Muçës

Lirohen 21 protestuesit e shoqëruar pas protestës para Kuvendit, dy mbeten në qeli

Ditari i Maxhorancës

Gaz lotsjellës nënës me djalin me autizëm, Rama fajëson protestuesit: E p*rdhunuan dhe e përdorën

Politiko 24 July 2026, 13:34

Screenshot 2026-07-24 132535.png

Pamjet e një nëne që përpiqej të mbronte djalin e saj me spektër autizmi nga uji me piper i hedhur nga policia gjatë protestës para Kuvendit nuk kanë kaluar pa u komentuar sot edhe nga kryeministri Edi Rama.

Por, në vend që të ndalej te ndërhyrja e policisë, kryeministri Edi Rama zgjodhi të sulmojë protestuesit, duke i akuzuar se e përdorën gruan dhe fëmijën si "mburojë", madje bëri një krahasim me "manualin e terroristëve" që, sipas tij, përdorin civilët për të përfituar nga pasojat e përplasjeve.

“Një histori që e keni parë të gjithë. Atë nënën, me fëmijën me spektër autik, të cilën korbat e kishin marrë me vete te parlamenti, për t kthyer në viktimën e policisë për të mbrojtur deputetët ng atë verbrit e dhunshëm të Shqipërisë. Ne sapo kemi dyfishuar mbështetjen për fëmijët autikë dhe për nënat e tyre.

Përjetimi i asaj nëne është tjetër Ajo mund të mos jetë e informuar, ose dhe mund të jetë. Por ajo nuk e ka ndjerë kurrë empatinë tonë në fundin e atij hendeku mes faktit tonë dhe përjetimit të vetmisë së saj dëshpëruese. Në fund të endekut e futën sorrat dhe korbat, dorën e solidaritetit të tyre hipokrit për ta marrë me vete te Parlamenti, me të njëjtin manual që përdorin terroristët që i përdorin si mburojë teksa sulmonin me maska policinë e shtetit.

E vunë para kamerave, e përdhunuan dhe e nxorën në mexhelis për t’i qarë hallin. E futën në rrjet, dhe më pas e lanë në fatin e saj dhe u nisën për te mikrofoni në Bulevard. Si ata skuthat e zinj që i kemi parë në përdorimin e këtij manuali që çojnë mish përtop të tjerët dhe kërkojnë solidaritet për të shkretët njerëz duke mbajtur fjalime në emër të viktimave të shtetit policor.”, tha ai.

 

 

 

Të fundit