Flash News

Gjyqi kundër prokurorit që e hetoi, 'Administrativja' rrëzon padinë e Veliajt

Vdes foshnja 7-muajshe gjatë rrugës për në spital, nën hetim dy pediatër në Gjirokastër

Vila, makina luksi, llogari bankare me vlerë 1.8 mln, prokuroria e Fierit konfiskon pasurinë e Arbër Muçës

Lirohen 21 protestuesit e shoqëruar pas protestës para Kuvendit, dy mbeten në qeli

Sherr me sende të forta në Shëngjin, plagoset një person

E-TJERA

Marjana Koçeku kundër Paketës së Maleve: Mos ua dorëzoni tokat e të parëve, do ktheheni vasalë

Politiko 24 July 2026, 10:43

 images (1).jpeg

Deputetja e larguar nga Partia Socialiste, Marjana Koçeku, ka dalë publikisht kundër Paketës së Maleve, një prej nismave më të promovuara nga kryeministri Edi Rama.

Koçeku, e cila u shkëput nga mazhoranca pas protestave qytetare, u ka bërë thirrje banorëve të Shalës, Shoshit dhe Pultit që të mos pranojnë, sipas saj, premtimet për zhvillim nëse ato rrezikojnë pronat e trashëguara.

Në rrjtet sociale, deputetja shkruan se përfshirja e këtyre zonave në Paketën e Maleve nuk përfaqëson zhvillim, por nisjen e një procesi të tjetërsimit të pronave. Ajo shprehet se malësorët rrezikojnë të humbasin kontrollin mbi tokat e tyre, ndërsa akuzon qeverinë se po përdor ligjin dhe premtimet për investime për t'ua marrë ato.

Postimi i plotë:

Të dashtun banorë të Shalës, Shoshit e Pultit,
Përfshimja e zonave tueja në Paketën e Maleve, siç asht ba e ditun këto ditë, nuk asht shpëtimi i atyne trojeve, por fillimi i nji tjetërsimi që pasojat ka me i pasë aq negative sa ju s’keni me mujtë ma me i kontrollue ato toka.

Nëse doni me qenë shërbyes e lypsarë n’tokat tueja, atëherë pranojeni hak Paketën e Maleve, por di me ju thanë se malet tona nuk futen në paketë, dhe se treva jonë ka ditë me e ruejtë identitetin e vet për shekuj me radhë. As nuk asht pushtu e as nuk asht shitë. Dhe ju duhet me e pasë parasysh, secili prej jush, se pushtimet gjithmonë kanë ardhë me maska të reja, që ju të mos i njihni.

Unë e di se, çfarëdo çmimi që ata munden me ju ofru, ju nuk i lëshoni tokat e t’parëve, qoftë edhe veç për faktin pse janë t’parëve… se malsori ka qenë dhe asht zot n’tokë t’vet.

Por tash e vetmja mënyrë me jua marrë, asht tu spekulu përmes ligjit me pretekstin se ju do mundeni ma n’fund me i zhvillue ato toka, a ndërkohë nuk keni as tituj pronësie, as rrugë, as energji e as kushtet e nji infrastrukture që jua siguron nji gram jetë të mirë. S’keni ditë kurrë me i kërkue ato kushte!

Kështu që para se me pranue çfarëdolloj premtimi për “zhvillim”, kërkojeni njiherë atë çka ju asht mohue deri tash: pronën tuej, dhe të drejtën me vendosë vetë se çka bahet me pronën tuej. Zhvillimi që ju nxjerr prej tokës e ju kthen në vasalë e shërbëtorë të dikujt tjetër, nuk ka si me u quejtë zhvillim, përndryshe ju do ishit “zhvillue” me kohë.

Të fundit