Flash News

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Nis numërimi i votave në Pustec, përfshihen edhe votat e diasporës

Zyra sekrete e patronazhistëve të PS, mes tyre drejtoresha e Agjencisë së Ekselencës

KRYESORE

Besa Myftiu çel siparin e Tirana Lexon 2018, nesër ju presin 2 autorë të tjerë

Politiko 22 Tetor 2018, 16:59

Instituti për Demokraci, Media & Kulturë (IDMC) në bashkëpunim me Ministrinë e Kulturës çelen sot siparin e aktiviteteve nën moton “Tirana lexon për të kujtuar”.

Mes miqve të librit, botuesve, gazetarëve , studentëve,  drejtoresha e IDMC, Dr. Jonila Godole u shpreh se fokusi i aktiviteteve të këtij edicioni të Tirana Lexon është  “Kujtesa dhe IdentitetI”.

‘Publiku do te njihet me autorë vëndas dhe të huaj që kanë përpunuar biografitë e tyre në letërsinë që bëjnë, ku ndërthuren kujtimet dhe rrëfimet që kanë shoqëruar jetën e tyre. Proçesi i krijimit të identitetit përmbledh çdo përpjekje për t’u dhënë kujtimeve, përvojave të jetuara, synimeve, anktheve dhe shpresave tona një formë të caktuar, për t’i ri-konstruktuar dhe ri-dimensionuar ato vazhdimisht. Autorët e pranishëm gjatë ditëve të #TiranaLexon2018 do të ndajnë me publikun dhe pengesat e hasura në procesin identifikues në të shkuarën e deri më sot’ - shtoi Godole.

Dita e parë e Tirana Lexon nisi me autoren shqiptaro-zvicerane, Besa Myftiu,  e cila ndau me publikun pjesmarrës momente nga jeta, vepra dhe krijimtaria e saj, nga poezitë e dikurshme e deri tek librat në prozë që lëvron tashmë.

Autorja Myftiu e nisi bisedën me nje poezi të sajën për tu ndalur më pas tek romani ‘Dashuri në kohën e komunizmit”. Një libër që siç pohoi dhe vetë ajo ka dashur të tregojë historinë e Shqipërisë nga 1981 deri në vitet 2000. Romani ka në në qendër të vëmendjes femrën shqiptare, ku siç shprehet dhe vetë autorja, historitë që kishin ndodhur në kohën e komunizmit ishin të pakrahasueshme me historitë e shoqeve të saja zvicerane, franceze, gjermane.

‘Mua më dukeshin historitë, që kishin ndodhur në kohën e komunizmit të pakrahasueshme me historitë e shoqeve të mia zvicerane, franceze, gjermane. Ndaj ishte dhe kjo gjetje, ku sot njerëzit takohen në aeroport dhe greva e “Alitalia” më dha këtë mundësinë, që historitë të mos ishin artificiale dhe të ishte një natë e tërë përpara për tu treguar.  Janë histori dashurie të pamundura, qoftë nga morali komunist, qoftë morali tradicional. Në vitet e komunizmit, çdo histori dashurie që dëgjoja më dukej një libër më vete. Por duke qenë se në perëndim ka më pak tabu dhe pengesa edhe historitë janë më të thjeshta, ndërsa në kohën e komunizmit ishin si ato përrallat që janë me pengesa,. Koha e komunizmit ka qenë një kohë nga e cila dalin histori të pabesueshme, shumëpjellore nga pikëpamja letrare”- shtoi ajo.

Besa gjtihashtu ndau me lexuesit dhe pjesë nga jeta e saj në Zvicër, marrëdhëniet me familjen e saj, punët e saj që nga gazetaria në fillim e deri tek puna me studentët sot për të cilët shprehet e kënaqur. Bukurinë bisedës me autorën ja shtuan edhe vargjet që ajo kishte përzgjedhur të ndante me publikun nga vepra e saj. Mes interesit të veçantë dhe pyetjeve gjithë kuriozitet të studentëve drejtuar autores Myftiu u përmbyll me sukses dita e parë e aktivitetit Tirana Lexon.

Tirana Lexon do të vijojë udhëtimin e saj sërisht nesër me aktivitetin “Letërsia si vend kujtese”, ora 10:00-12:00 te salla e konferencave të Europa House. Në ditën e saj të dytë ajo ju fton në lexime dhe diskutime me autorin e njohur gjerman Dr. Karsten Dümmel i cili për shkak të qëndrimit të tij kritik në Gjemaninë Lindore  u përndoq dhe u persekutua për vite me radhë. Shkatërrimi i identitetit njerëzor në regjimin komunist shqiptar do të tematizohet dhe nga antropologu i njohur Albert P.Nikolla, autor i librit, ‚Njeriu i ri shqiptar“.

‘TiranaLexon për të kujtuar’ do të ndalet nesër edhe në gjimnazin 'Isa Boletini' në Vorë aty ku nxënës dhe mësues të kësaj shkolle do të diskutojnë me autorin dhe kritikun e njohur shqiptar Agim Baçi.

#TiranaLexon2018 do të mbyllet me Kuartetin Letrar, më 24 Tetor, në Sallën Franceze të Leximit, në Biblotekën Kombëtare, në orën 10:00 -12:00, me kontributin e ekspertëve Jonila Godole (moderatore), Agim Baçi, Ledia Dushi dhe Beti Njuma.

Të fundit