Posta e mëngjesit/ Me 2 rreshta: Çfarë pati rëndësi dje në botë

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Me dorë në Biblën e familjes, Joe Biden betohet zyrtarisht si presidenti i 46-të i Shteteve të Bashkuara. Kamala Harris betohet si zëvendëspresidente e SHBA-së, e para grua në histori. 

Të lidhura: Trump nuk mori pjesë në inaugurimin e Biden, por i la një shënim epik në tavolinën e Zyrës Ovale 

Poezi nga Capitol Hill, njihuni me Amanda Gorman, poeten 22-vjeçare që do të hyjë në historinë e Amerikës

■ Donald Trump largohet nga Shtëpia e Bardhë 

■ Turqit reagojnë ashpër ndaj veprimeve të Greqisë në Jon: Shkak për luftë!

■ Një studim zbuloi se testet që kontrollojnë humbjen e nuhatjes - një nga shenjat e  koronavirusit - mund të zbulojnë raste të mjaftueshme për të ulur në mënyrë të konsiderueshme transmetimin, nëse ato administrohen gjerësisht dhe shpesh.

■ Hollanda do të ndalojë fluturimet nga Britania, Afrika e Jugut dhe pjesa më e madhe e Amerikës së Jugut me shpresën për të ndaluar përhapjen e varianteve të virusit. Vendi do të vendosë gjithashtu shtetrrethimin e tij të parë mbarëkombëtar që nga Lufta e Dytë Botërore.

■ Dublini ka anuluar paradën e Ditës së Shën Patrikut për të dytin vit radhazi.

■ Edhe disa zyrtarë irakianë të shëndetësisë po promovojnë idenë e rreme se Iraku ka fituar imunitetin e turmës. Shkencëtarët thonë se Iraku mund të jetë në prag te një shpërthimi të ri të madh.

■ India tha se po fillonte të furnizonte vendet e afërta me versionin e saj të prodhuar në vend të vaksinës AstraZeneca.

■ Një shpërthim që shkatërroi disa kate të një ndërtese në kryeqytetin spanjoll, Madrid, dukej se ishte rezultat i një rrjedhje gazi, tha kryetari i bashkisë. Tre persona vdiqën dhe 11 të tjerë u plagosën.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm