Deklaratat e forta të eurodeputetëve për Shqipërinë para zgjedhjeve: Ende probleme me manipulimin e votave

Parlamenti Europian zhvilloi sot një seancë dëgjimore për situatën në Shqipëri përpara zgjedhjeve parlamentare në vendin tonë.

Disa nga eurodeputetët kanë ngritur shqetësimet e tyre për situatën në të cilën vendi ynë po pret zgjehdjet e ardhshme parlamentare, duke vënë theksin te problemet me manipulimin e votave, referuar raporteve nga zgjedhjet e kaluara, përdorimi i burimeve shtetërore në fushatë etj. 

Eurodeputeti Andrey Andreev Kovache: Sheqipëria ende probleme me manipulimin e votave 

Ne nuk jemi këtu për të bërë propagandë partish, por jemi këtu që ti përmbahemi principeve.
Shqipëria është një vend i rëndësishëm kandidat për ne dhe do të donim që të kishte shumë sukses në rrugën europiane dhe vlen të theksohet se edhe opozita është në të njëjtën anë të integrimit në Europë.
Duke parë raportin e zgjedhjeve lokale të vitit 2023, dua të them se ka disa problematik, siç është blerja e votave, veçanërisht në komunitete vulnerable në Shqipëri.
Manipulimi i listës së votave dhe përdorimi i burimeve shtetërore në fushatë, do të doja të dija dhe të dëgjoja nëse në këto zgjedhje të ardhshme, a do të ketë transparencë dhe ndershmëri në procesin elektoral të 11 majit.
Të gjitha partitë, përfshirë opozitën dhe partitë të tjera duhet të trajtohen, të jenë të barabarta gjatë fushatës. Këto janë principe bazike, që aplikohen për të gjitha vendet, si brenda Bashkimit Europian, por edhe jashtë tij, veçanërisht për vendet që janë kandidate.
Mendoj se gjërat kryesore për ne duhet të jenë garancia që ndryshimet në Kodin Elektoral të minimizojnë problemet që janë evidentuar në raportin për zgjedhjet lokale të vitit 2023.
Është shumë e rëndësishme që të ketë transparencë, ndershmëri dhe barazi për të gjitha partitë në procesin elektoral.

Eurodeputeti Riho Terras: Shqetësimi im, zbatimi i ligjit në Shqipëri, sidomos para zgjedhjeve 
 

Dua të shpreh shqetësimin tim për situatën e demokracisë dhe zbatimit të ligjit në Shqipëri, veçanërisht tani pranë zgjedhjeve.
Përderisa ka shqetësime serioze, ne nuk duhet që ti neglizhojmë ato, por duhet që të ndihmojmë Shqipërinë që të zgjidhë këto shqetësime.
Ne duhet të diskutojmë se si në javët e ardhshme të mbikëqyrim fushatën elektroale dhe zgjedhjet nga shumë afër, sepse ka një numër praktikash shqetësuese, nga zgjedhjet e kaluara.
Blerja e votës, manipulimi i listës së zgjedhësve dhe përdorimi i burimeve shtetëtore, nuk është asgjë e re për qeverinë socialiste që është në qeveri.
Për vendin kandidat për në BE, kjo nuk është rruga e duhur për të shkuar në zgjedhje, pasi ka dhe probleme me korrupsionin.
Bazuar në raportet e Komisioni Europian të viteve 2023-2024, niveli i lartë i korrupsionit është shqetësues dhe problemi nuk është adresuar siç duhet nga politika dhe nuk është luftuar siç duhet nga mekanizmat ligjorë.
Si mundet që BE-ja dhe institucionet e saj të shtyjnë qeverinë që të respektojë termat bazikë të zbatimit të ligjit dhe si mundet që këto institucione të inkurajojnë vendin të luftojë korrupsionin.
Dua të pyes se cilat janë gjërat që kemi ne në dorë tani para zgjedhjeve, dhe jo ti diskutojmë këto gjëra më pas.

Eurodeputeti Sebastião Bugalho: Qeveria aktuale ka refuzuar ngritjen e komisioneve hetimore, çështje principi? 
 

Doja të bëja një ndërhyrje të vogël dhe e kuptoj shqetësimin e disa kolegëve këtu, për mbajtjen e kësaj seance para zgjedhjeve, por ne në fakt nuk jemi dy javë para zgjedhjeve, por më shumë se 1 muaj.
Dua të them, dhe është ironike se, jemi kritikuar që po e mbajmë këtë takim para zgjedhjeve, por unë e di se disa anëtarë të këtij komisioni do të thonë se, nëse ne e mbajmë këtë takim pas zgjedhjeve, do të thonë se nuk e njohim rezultatin, dhe mbajtja e këtij takimi do të ishtë ndërhyrje.
Nëse ne nuk do ta mbajmë këtë takim, pas para por as pas zgjedhjeve, atëherë kur do të mund ta mbanim? Asnjëherë!
Zgjidhja për të mos kritikuar dhe po flas për deputetët jo anëtarë të këtij komisioni, është thjeshtë të mos flasin.
Dy çështje të vogla.
Është e njohur se qeveria aktuale nuk është në fanse e hetimit parlamentar dhe ka refuzuar ngritjen e komisioneve hetimore. Dua të di nëse kjo është çështje principi, është një zakon, apo është diçka për të cilën ata nuk duan të flasin.
Pse ata nuk duan hetime parlamentare, kur ka shumë deputetë që duan ti bëjnë këto hetime.
Dhe pyetja e dytë e imja është për të gjithë ju folës këtu që marrin pjesë në këtë takim është e thjeshtë; sipas mendimi tuaj, Kremlini apo Uashingtoni janë më të interesuar që Shqipëria të mos jetë pjesë e BE-së që sot.