Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

Hapja e 11 kutive, Ndocaj: Do shikoni batërdinë e bandës së Ndreut mbi votat e lezhjanëve

Politiko 11 Korrik 2019, 22:08
Hapja e 11 kutive, Ndocaj: Do shikoni batërdinë e bandës së

Eduart Ndocaj, kandidati i Partisë Konservatore për bashkinë e Lezhës ka vlerësuar vendimin e KQZ-së për hapjen e 11 kutive votimi, në të cilat dyshohet se ka vota fiktive.

Ish-deputeti i PS hedh akuza ndaj rivalit të tij, Pjerin Ndreu, duke e quajtur “një bandit dhe te shpallur botërisht nga gazeta gjermane BILD si një person me ndikim negativ në manipulimin e votave”.

“Me hapjen e 11 kutive, do mësojmë se ç’batërdi kanë bërë mbi votat e lezhianëve, banda e Pjerin Ndreut me shokë, të cilët mendojnë se mund ta administrojnë Lezhën me trysni dhe shantazh”, sqaron Ndocaj.

Pas përfundimit të numërimit, Ndreu mori 12922 vota,  Ndocaj 790 vota ndersa Salvador Kacaj i Bindjes Demokratike 427 vota.

Qëndrimi i plotë:

Hapjen e 11 kutive të KZAZ-ve 12 dhe 13 për votimet e datës 30 qershor për kryetar të bashkisë Lezhë, duke legjitimuar kështu faktin e vjedhjes së votave nga banda e Pjerin Ndreut dhe shpurës së tij kriminale.

Unë, i jam imponuar garës së 30 qershorit, duke pasur besim në shenjtërinë e votës së lirë të qytetarëve, por asnjëherë nuk e kam anashkaluar faktin se rivali im, i njohur si një bandit dhe i shpallur botërisht nga gazeta gjermane BILD si një person me ndikim negativ në manipulimin e votave, do të bënte çdo përpjekje për të vjedhur votat, pasi me votë të lirë, ai, kurrë s'do arrijë të fitojë, sepse Pjerin Ndreu është një humbës serial duke mos njohur asnjëherë shijen e fitores dhe si i tillë, ai do bënte atë që di të bëjë më mirë, hajdutin dhe cubin.

Me hapjen e 11 kutive, do mësojmë se ç’batërdi kanë bërë mbi votat e lezhianëve, banda e Pjerin Ndreut me shokë, të cilët mendojnë se mund ta administrojnë Lezhën me trysni dhe shantazh. Nuk kishte ndodhur asnjëherë që në Lezhë të fitojë një individ pa program, pa mbështetje, pa ide, pa vizion dhe pa karakter, siç është Pjerin Ndreu, ndaj dhe inkurajoj bashkëqytetarët e mi, të vazhdojmë të denoncojmë dhe të bëjmë publike çdo makinacion që është përdorur nga kjo bandë duke vjedhur vullnetin e lirë të lezhjanëve, të cilët tjetër kund e kanë nisur votën e tyre, dhe tjetër kund ka dal sipas rezultateve të kamikazëve politik të emëruar si komisionerë dhe numërues nga Pjerin Ndreu.

Bashkë do ia dalim, pasi Lezhë e do demokracinë dhe si e tillë, ajo s'mund të nënshtrohet nga plaçkitës dhe hajdutë që duan të bëhen administratorë të jetës ekonomike, sociale dhe politike të një qyteti dhe të një krahine që shquhet për qëndresën e saj historike.

Miqësisht, Eduart Ndocaj

Të fundit