Posta e mëngjesit/ Me 2 rreshta: Çfarë pati rëndësi dje në Shqipëri

■ Kryeministri Rama ka komentuar deklaratën e Presidentit Meta se mazhoranca socialiste është kthyer në një organizatë kriminale. Rama e cilësoi si fatkeqësi përshkallëzimin e dhunës verbale nga Meta, teksa shtoi se “është e turpshme që në zyrën e Presidentit kemi një individ që ka dalë nga shinat, duke vendosur veten dhe institucionin në funksion të një force të degraduar”, siç është LSI. Referuar padisë së ngritur nga PD, nën akuzën ‘shpërdorim detyre’ dhe ‘grup i strukturuar kriminal’, Rama tha se: Simptomat e dëshpërmit, po bëhen më të dukshme!

■ Ministri i Jashtëm grek, Nikos Dendias vizitë zyrtare në Tiranë; takime me Ramën e Metën për marrëveshjen e detit, PDIU e pret me protesta.

Të lidhura: "Turp! Na kanë bllokuar! " Protestuesit përplasen me policinë, Idrizi: Mbrojtën Dendiasin se mos i ‘gjuanim’ me fjalë! Protesta për t'i treguar atë çka Rama s'ka këllqe t'ia thotë.

* Protestuan kundër ministrit grek dhe u përplasën me policinë, procedohen penalisht 26 persona, mes tyre Shpëtim Idrizi, Mesila Doda e Boiken Abazi. Në një reagim të mëvonshëm, PDIU ka kërkuar lirimin e të shoqëruarve, ndërsa nuk kanë munguar edhe sulmet ndaj Ramës, për të cilin tha se "s'ka për t’i shpëtuar Çamërisë me “efkaristo” dhe “ejvallah”."

* Kryeministri Rama në një konferencë për shtyp pas takimit me Dendias tha se: S'ka asnjë hezitim nga Greqia për të drejtën e minoriteteve! Pensionet po përpiqemi t'i zgjidhim. Po ashtu, referuar çështjes së nxehtë për kufirin detar, Rama tha se do të diskutohet në instancat ndërkombëtare, dhe se së shpjti do të kemi një mbledhje mes dy qeverive për të diskutuar probleme të tjera që na shqetësojnë.

* Kryeministri Rama deklaroi se është diskutuar heqja e ligjit të luftës me Greqinë, edhe pse ende kjo s'mund të konsiderohet si një diskutim i mbyllur. Ndërkaq nuk ka munguar as vënia e në lojë e kundërshtarëve politik për çështjen e detit, ose sikurse ai i quajti "nacionalistët folklorik dhe patriot". 

* Çështja e detit në Hagë/ Myslim Pashaj, koloneli që kundërshtoi i pari marrëveshjen Shqipëri-Greqi për ndarjen e detit në vitin 2009, duke folur për Politiko e ka cilësuar politik vendimin e Shqipërisë dhe Greqisë për t’iu drejtuar drejtësisë ndërkombëtare për të zgjidhur debatin mbi delimitimin e hapësirës detare ndërmjet dy shteteve fqinje.

* Shqipëria dhe Greqia i drejtohen Hagës për çështjen e detit, si erdhi propozimi 

* Rama provokon në takimin me Dendias, ylli i verdhë në kollaren e kryeministrit dhe shprehjet “Efkaristo dhe ejvallah” 

•  Mediat greke kanë komentuar takimin e sotëm midis kryeministrit Rama dhe ministrit të jashtëm grek Dendias ku kanë shkruar edhe për interest e Turqisë. Ata thonë që dakordësimi për të çuar çështjen e kufirit detar në Gjykatën Ndërkombëtare të Hagës , ishte një zhvillim që Athina  e donte për të anashkaluar krizëse Gjykatës Kushtetuese, dhe Shqipërisë s’i mbeti gjë tjetër vetëm sa ta pranonte. Ndër të tjera ata shkruajnë se rreziku Greqisë mund t’i vijë nga Ankaraja pasi nuk do që një marrëveshje për detin të arrihet.

■  "Rritja ekonomike 5.5%, dhe ulje papunësie 12.2%", Qeveria miraton projekt-buxhetin për 2021: Prioritet shëndetësia dhe rindërtimi

■ Ringritja e Gjykatës Kushtetuese/ Këshilli i Emërimeve në Drejtësi ka hedhur shortin për caktimin e relatorëve për ndjekjen e procedurave të verifikimit, vlerësimit, pikëzimit dhe renditjes së kandidatëve për vendet e lira në gjykatën Kushtetuese; Vitore Tusha relatore anëtare.

■ Pandemia e ka çuar ekonominë pas në nivelin e vitit 2018. Sipas të dhënave nga databaza e Fondit Monetar Ndërkombëtar (FMN) prodhi0i i brendshëm bruto i Shqipërisë (PBB) do të jetë 14 miliardë dollarë, ose 1.24 miliardë USD më e ulët se në vitin 2018. Për të arritur nivelin e vitit 2019 Shqipërisë i duhen edhe dy vjet,

 ■-Përkeqësohet situata në grevën e Ballshit, një nga gratë dërgohet në spital, nafëtaret: Nëse nuk mundemi, do fusim fëmijë. Teksa ndodhen në ditën e 6-të grevës së urisë, gjendja e grave naftëtare të Ballshit është përkeqësuar, madje njëra prej tyre është dërguar në spital.