Flash News

“E vrau dhe shkoi për drekë”/ Detaje shokuese nga vrasja e Ilarias

Ditari i Opozitës

Balliu: Bashkia e Tiranës plot 788 milion lekë borxhe nga abuzimet e Veliajt

Politiko 7 Gusht 2024, 14:14

Balliu: Bashkia e Tiranës plot 788 milion lekë borxhe nga abuzimet e

Koordinatori rajonal i PD-së për Tiranën, Klevis Balliu gjatë një deklarate për mediat nga selia blu, ka denoncuar situatën e rëndë të borxheve të bashkisë së Tiranës.

Balliu u shpreh se nën drejtimin e Veliajt, bashkia e Tiranës ka grumbulluar 788 milionë lekë borxhe dhe e gjitha për shkak të abuzimeve dhe keqmenaxhimit të Veliajt.

Deklarata:

Bashkia e Tiranës, përveç borxheve që u ka qytetarëve, të cilëve u ka shtuar trafikun, u ka ndotur ajrin, u ka ulur gjelbërimin, u ka rritur kullat dhe betonin është borxhlije e keqe edhe me institucionet shtetërore.

Plot 788 milion lekë borxhe ka bashkia e Erion Veliajt si rrjedhojë e abuzimeve dhe keqmenaxhimit.

Sipas kategorive, peshën më të madhe të stokut të detyrimeve e zë kategoria ‘Investime’ me 47%, ndjekur nga ‘Të tjera’ 25%, ‘Shërbime’ 11%, dhe ‘Vendime Gjyqësore’ 9%.

Partia Demokratike prej vitesh ka denoncuar sistematikisht vjedhjet dhe abuzimet sistematike të Erion Veliajt me taksat e qytetareve të Tiranës, dhe pavarësisht maleve me prova për korrupsionin e tij, drejtësia nuk reagon.

Si rrjedhojë Bashkia e Tiranës, jo vetëm nuk i përgjigjet problemeve të qytetarëve, por nën drejtimin e Veliajt në këto 9 vite thyen rekorde në borxhe ndaj palëve të treta, më shume se çdo bashki tjetër.

Disa milionë i ka për vendime gjyqësore, gjyqe të humbura me punonjës të shkarkuar padrejtësisht nga puna, apo padrejtësi të tjera ndaj qytetarëve të Tiranës.

Kur e dëgjoni lali Erin të predikojë si pastor, mos e besoni, poshtë fjalëve është fakti se ai as detyrimet e institucionit të vet nuk i shlyen.

Ndërkohë që u merr shpirtin qytetarëve dhe u bllokon llogaritë, nëse nuk paguajnë taksat bashkiake, për vete grumbullon qindra miliona ta papaguara. Atij nuk i bie kush në qafë sepse prokurorët e SPAK i ka kolegë.

Ndërkohë, borxhi i bashkisë mund të shlyhet fare lehtë:

Të ndalohen pagesat e inceneratorëve, 80 mijë euro në ditë!

Të mos shkarkohen punonjës padrejtësisht nga puna!

Qëndresa ndaj e keqes është një detyrim. Përballja me korrupsionin dhe abuzimet është jetike për ti vënë para përgjegjësisë shkelësit dhe përmirësuar gjendjen qytetit dhe mirëqenien çdo qytetari.

Prej 5 muajsh opozita dhe shoqëria civile janë në protesta-zinxhir kundër vjedhjeve në Bashkinë e Tiranës.

Ju ftojmë të bashkohemi me ne proteste, nesër ne oren 11:00, tek bashkia e Tiranes për të shpëtuar qytetin nga pronari faktik i inceneratorit dhe shefi i organizatës kriminale 5D!

Të fundit