Flash News

Info migrants: Italia transferon 26 persona të tjerë në qendrat e paraburgimit në Shqipëri

Netanyahu: Është eliminuar kreu i Hamasit në Gaza, Mohammad Sinwar

Vodhën automjetin në Tepelenë dhe e shitën në Gjirokastër, në pranga 3 të rinj

Thika e urimit të Ambasadës amerikane

Sekuestro e pasurive, Ajola Xoxa bën rekurs në Gjykatën e Lartë

E-TJERA

E refuzoi Shqipëria, Britania e Madhe ‘hedh sytë’ nga Kosova për ngritjen e qendrave për refugjatët

Politiko 26 Maj 2025, 10:15

E refuzoi Shqipëria, Britania e Madhe ‘hedh sytë’ nga

Pas refuzimit që i bëri Shqipëri, kryeministri britanik Sir Keir Starmer po planifikon të krijojë disa qendra kthimi për azilkërkuesit e refuzuar duke marrë Kosovën në konsideratë, raporton ‘The Times’.

Kosova shfaqet në një listë të shkurtër prej nëntë vendesh të identifikuara nga ministrat dhe zyrtarët si destinacione të mundshme për këto objekte.

Ndërsa nuk kanë filluar diskutime zyrtare me asnjë vend, kuptohet se Qeveria po kërkon përparim në këto plane përpara se të presë udhëheqësit e Ballkanit Perëndimor në Londër këtë vjeshtë.

Lista e shkurtër përfshin Serbinë, Maqedoninë e Veriut dhe Bosnjë-Hercegovinën, së bashku me Kosovën, plus disa vende jo-evropiane me të cilat ministrat duan të kontaktojnë.

Ministrat fillimisht shpresonin se Shqipëria do të priste një nga qendrat e kthimit të Britanisë, por kryeministri Edi Rama e përjashtoi këtë javën e kaluar.

Burime qeveritare kanë thënë se Kosova është një vendndodhje "e besueshme" sepse ndodhet në një nga rrugët kryesore të përdorura nga migrantët e paligjshëm që udhëtojnë drejt Bashkimit Evropian.

Sipas Ministrisë së Jashtme, gati 22,000 migrantë të paligjshëm përdorën rrugën e Ballkanit Perëndimor për të hyrë në BE vitin e kaluar.

Presidentja e Kosovës, Vjosa Osmani, ka lënë të kuptohet se vendi i saj do të jetë "i hapur" për diskutime rreth strehimit të një prej qendrave të kthimit të Britanisë.

"Nuk ka pasur bisedime zyrtare me Mbretërinë e Bashkuar për këtë çështje. Deri më tani nuk është ngritur. Ne do të ishim të hapur për ta diskutuar, megjithatë, nuk mund të them më shumë se kaq sepse nuk i di detajet. Nuk mund të jap një përgjigje për një kërkesë që nuk është bërë deri më tani", tha Osmani.

Mbretëria e Bashkuar ka të ngjarë të argumentojë se migrantët që kalojnë nëpër vendet që strehojnë qendrat e kthimit kanë pasur mundësi të kërkojnë azil në vendet "e sigurta", por kanë zgjedhur të mos e bëjnë këtë.

Të fundit