Flash News

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Plas sherri brenda Rilindjes/ Rama urdhëron deputetët dhe partinë: Bëni kujdes, mos u bëni lajm

Si e bindi Rama Perëndimin se fati i Shqipërisë lidhet me emrin e tij

Çfarë ndodhi me peticionin “Rama Out”? Nga 1.7 milion firma shifra zbret në 250 mijë brenda pak orësh

E-TJERA

Jeta e Edi Luarasit/ Refuzoi divorcin nga Mihali dhe la pas aktrimin, kolegët rrëfejnë vitet e ‘pengut’

Politiko 4 Dhjetor 2021, 17:18

Jeta e Edi Luarasit/ Refuzoi divorcin nga Mihali dhe la pas aktrimin,

Aktorja e mirënjohur për skenën shqiptare Edi Luarasi është përcjellë në banesën e fundit nga familjarët, miqtë dhe kolegët e saj. Luarasi u nda nga jeta pasditen e djeshme, në moshën 81-vjeçare.

Kolegët që kanë ndarë me të skenën e teatrit dhe rolet e filmave shqiptarë, kanë treguar pjesë nga historia e jetës së Edi Luarasit.

Aktori dhe regjisori i njohur, Bujar Kapexhiu, e ka cilësuar Luarasin “Një nga aktoret më të shquara të artit shqiptar, të teatrit e të filmit, nuk është më. Nga qielli i artit shqiptar u shkëput ylli më i bukur.”

Për Roza Anagnostin, aktorja Luarasi është një “artiste unike, yll. Një grua e fortë fisnike që përballoi furtuna në jetë. Është një grua që e nderon figurën e gruas shqiptare. E kam dashur me shpirt”.

Karriera e Edi Luarasit nisi si një këngëtare, për t’u ngjitur më pas në skenat e filmave dhe teatrit. Talenti i saj në aktrim u vu re nga Mihal Luarasi, që më vonë do të bëhej partner i saj në jetë dhe përkrahësi kryesor në aktrim.

Krah Mihalit, Edi kaloi vite të bukura në karrierë sikurse edhe të vështira në jetë. Pavarësisht dënimit që regjimi komunist i asokohe i dha bashkëshortit të saj, Edi nuk u tërhoq, madje nuk pranoi as të jepte divorcin në këmbim të karrierës. Ajo punoi si rrobaqepëse dhe iu përkushtua dy fëmijëve të saj.

Aktorja Rajmonda Bulku rrëfen se si Edi Luarasi iu rikthye skenës shqiptare pas 20 vitesh mungesë.

“Unë nuk e kam njohur në moshë të re, ata ishin përzënë nga arti, ishin dënuar, ishin sakatuar. Kur e kam parë për herë të parë, ajo qepte. Dhe ishte një figurë e jashtëzakonshmne. E kuptoje menjëherë ku do ta shihje, që ajo duhej të ishte një figurë arti me atë portret interesant dhe modern. Mbajti në kurriz një barrë të jashtëzakonshme e të dhimbshme. Erdhi njëherë në teatër dhe thotë jam gjendur përballë hetuesit, e pashë dhe ika. Një grua e pazakontë në kohë të pazakonta si shembull për gruan shqiptare. Heqja nga skena në kulmin e saj si aktore mbeti peng deri në fund. Ajo u rikthye vetëm 20 vite më pas, me shfaqjen Vizita e Damës plakë. Edi ishte një frymëzim shumë i madh”, tregon Bulku.

Për Edmond Budinën, Edi Luarasi ishte jo vetëmnjë frymëzim, por edhe "ishte dinjiteti I saj si grua, një njeri I pathyeshëm, një njeir konskeutent e me dinjitëet që nuk e uli asnjëherë kokën, as ku shkoi të punonte në rrobaqqepësi.” “Ajo ishte frymëzim. Çfarë të bën më shumë ta respketosh atë, ishte Prezantuesja e festivalit të 11, vajza çapkëne, gruaja e lirë, aktorja e Njollave të murrme apo e ngadhënjimit mbi vdekjen, e disa filmave dhe shfaqjeve teatrale, iku e lirë dhe krenare, siç kishte jetuar." shton aktori Budina.

 

 

Të fundit